خاطره سريعه
مانبتعد لو باعدتنا المسافات = حبك ترى في داخل القلب منحوت
الحب يجري داخلي كالمجرّات = ما انساك لو يقبل علي عمدة الموت
من كثر كثرك ضعت وسط المتاهات = ومقابلك .. قصّرت ان قلت لك ( توت )
انا اشهد انك ماعرفت الدعايات = وما تلتفت للرنج او صاحب الحوت
انا اشهد انك فوق كل الإشادات = من كثر حبّك صرت انا اليوم طاغوت
ان غاب وصلك صرت بإعداد الأموات = كنّي وحيدٍ عايشٍ وسط ( تابوت )
ماقدر على بعدك ولو بضع ساعات = الوصل طيّب والهجر قيل ممقوت
هاجوس حبّي ساهر الليل ما بات = يبغي الوصل لو كان وصلك معه صوت
وين الرسايل طوّلت ليه ماجات = لا لا تخليني كذا .. صرت مكبوت
افرض مثل : لو قيل عن حبّنا مات ؟؟ = واذكر كلامي : كلنا باكر نموت !!
مليّت انا من كثر ذيك المحاتات = ومن لا يحاتي احسده .. حيل مبخوت
وسلامتكم