عسى قدوم الخير يحيي صحصح البيد غرقه = والدار جعل ازهارها مع النسايم عابقه
ويطول عمرك يالقلوب المرهفات المشفقه = وتصلح عقول جات لاغراء الضياع مرافقه
الناس دجه والنوايا اتصبها في محرقه = الحامدين اشوي والباقي ؟؟؟؟ ناهقه
ومايسعد القلب الحزين الا تلاوة منطقه = تطفى بها جمرة خطا بين المحاني عالقه
يارب سامحني على بعض الخبايا المغلقه = لامن عصيتك مرة فالنفس ماهي فاسقه
ماني بليد لااقترف له ذنب يرجع يطرقه = اتوب من ذنبي مخافه منك واسفه بارقه
والدرس من تجاربي لامن خذيته ماعتقه = وابن ادم مهما بلغ الاكتمال مفارقه
مابه بشر حاول على القانون الا وخرقه = العقل ميزه عندنا بس البصاير فارقه
باحاول افهم قليل الحس لو ان به صقه = دام النصايح تنشرى وايام عمره سارقه
لايضحكك منظر جبين فاللقا صب اعرقه = هذا دليل اني وفي وان المشاعر صادقه
والله يامنقودك على انه نزع منك الثقه = وباعترف اني خسرت الوقت وانت منافقه
رح في طريقك واترك المصدوم بيد اللي خلقه = ابانسحب لو ان بي روح التحدي خارقه
الادمي لولا التجارب فالحياة المرهقه = ماكن تكيف مع لواهيب السنين الحارقه
واللي مايعرف في حياته مغربه من مشرقه = ياعزتي له لا التفت الا وغيره سابقه
ياطول مشوار الندم ويش اللي منه يعتقه = الشامتين اكثار وانياب العذل متبارقه