السلام عليكم
بعيداً عن المنتدى وعبر رسائل sms حصلت حرب شعواء بين
كونكورد & ماعرف اجامل
وهذا ماقضبت منها
.................................................. ................
ماعرف اجامل
كنكورد ضيعني معه جعله العوق = اقول ويش الوضع ويقول سند
توّي مسجل مابعد جبت طاروق = وساعة فتحت النت ليني مبند
كونكورد
كله فعل يمناك ياراعي الذوق = اقول خف شوي وانته معند
في وجهنا عاديت 200 مخلوق = وخيّش ورقنا يوم جينا نهند
.................................................. ................
وفي رديه ثانيه
كونكورد
صاحبي ماعرف اجامل تسمّع للندا = وضعنا منكوب نبغي لنا حل ٍ سريع
من عرفتك والبشر كلهم ضدي عدى = وان نصحني منهم صادق ٍ مانيب اطيع
ماعرف اجامل
المثل قد قال ياكدنا مالك جدى = اصنع المعروف لك بس ماينفع صنيع
كنت ناوي نشتري بالشراكه منتدى = لكن اظن البلا عقب ماصرنا جميع
.................................................. ................
وفي رديه اخرى
كونكورد
ما عرف اجامل يحسب انه مثالي = ينقد على الشعار ويقول دكتور
يقول هذا طايح وذاك مالي = وهذا بلا معنى وذالبيت مكسور
ماعرف اجامل
كونكورد ما عيّن فريسه وجالي = وانا مثل عنتر بعد شافه الثور
بروغ من دربه واطوّع اهبالي = وان جاب لي مكسور باقول مجبور