تـــواصـــل 
قلت لك هالناس .. ماتترك عوايدها القديمه = وش علينا منّهم .. مدامنا ربع وحبايب
ماوراها الاّ المصايب .. والبلاوي والظليمه = ابك خلّك وش يحدّك .. للبلاوي والمصايب
تدري ان قلبي يحبك .. وإن حبك في صميمه = ماجهلت ان شوفتك عندي .. مثل وبل السحايب
الوكاد .. إن النديم اللي جهل كلمة نديمه = في فراقه لو حصل .. والله لدفع له ضرايب
الفراق اللي على عزّ الخفوق .. الله يديمه = والفراق اللي بليّا ذنب .. ملعون الصلايب
والله إن فرقاك .. بعد اليوم يالغالي غنيمه = لاتعوّدني على .. كثر الترجي والطلايب
وانت تدري في وصالك خير .. وأفراقك جريمه = بس انا قرّرت حقرانك .. وشدّدت الركايب
وصرت أسولف عن هوانا العفّ .. والذكرى العظيمه = وكل ماسولفت عن قصّة هوانا .. ياعجايب
رحت أسولف للبحر .. عن قصّة العشق اليتيمه = قام يبكي موجه .. وشاطيه ما ضم الترايب
رحت أسولف للشجر .. وأوراقه الخضرا سليمه = ماسكتّ إلاّ الورق .. عانق مراويح السحايب
رحت أسولف للسما .. بكيت من شكواي غيمه = ورحت أسولف للجبال .. وصارت صخور وخرايب
يازماني وسط قلبي .. كان له قدر وحشيمه = قبل لايدفن وفا قلبه .. تحت عوج النصايب
كان أعزّ من القرايب .. في عناه وفي نعيمه = بس يوم إنه تمادا .. وينه ووين القرايب
وكانه أكرم .. من يد اللي بالعطا يدّه كريمه = قبل لا يبخل على .. قلبي وقلبه بالوهايب
وصار أخس من العواذل .. والشياطين الرجيمه = وصرت عن حبه . وعن وصله . وعن لقياه تايب
دامني علمته .. إن الناس عادتها قديمه = أفترقنا .. بعد ماحنّا مثل .. بين الحبايب