[عيد بن شدقان]

علـى مركـب غرامـي قـمـت أغـنـيّ والقصـيـد بـحـور=نفضـت شـراع صــدري والـهـوى مــا فضّـهـا سـيـره
أشـيـل المحـبـره والـلـي عطـانـي ريـشـة العصـفـور=نــزع صمـتـي وخـلانـي مــع الصـبـح وعصـافـيـره
يـا بنـت النـاس قلبـي فــي مــدار الـحـب جـالـه دور=تعـب نبـضـه عـلـى دربــك بـعـد طـالـت مشـاويـره
مسـجـلّ لــك شـهـادة حــق ماسـجّـل شـهــادة زور=خــذا مــن دقـتـه رايــه وسـجّـل عـنـك تـقـريـره
ولـو يصبـح شعـوري لـك علـى صفـق الـهـوى منـثـور=جمعـتـيـه بـحـذافـيـره .. وأخـذتـيــه بـحـذافـيـره !
عسـى قلبـك مثـل قلبـي مـن أونــاس العـنـاء مـاجـور=بعـد صـرنـا مــن أعــلام الـغـرام ومــن مشاهـيـره
وأنــــــــــــــــــــــــــــــــا مدري عليّ قصور وإلاّ ما عليّ قصور=لكنّ الحب هاذي معطياته لا كثر خيره
يـفـك الـبـاب للأحـبـاب ويـرمـي فـالـظـلام الـنــور=تعبـنـا مــن خـطـايـاه ونشـبـنـا فـــي مـعـاذيـره
تواضعـنـا علـشـان الـغـلا .. مـيـر الـغـلا مـغــرور=كـبـر وأستـكـبـر .. وبـيـنـي وبـيـنـك زاد تـقـديـره
تـذكّـرت الـكـلام الـلـي تقولـيـنـه بـــدون شـعــور=ونسيـت أنـي حبيـب ٍ مـا سـكـن فــي مهجـتـك غـيـره
أجـيـك وخـاطـري يضـحـك وأروح وخـاطـري مكـسـور=وأنـا صـبـري مـثـل صـبـره عـلـى كـسـره وتجبـيـره
أحـبـك والمحـبّـه مــا تـمــوت وبيـتـهـا مـعـمـور=تـزيـد وكــل مـــا زادت ظـهــر لـلـحـب تـبـريـره
علاقـتـنـا ربيـعـيّـه وقـــاع ٍ شـالـهـا مـمـطــور=لاشــكّ الـحـبّ مــا يـرحـم لـيـا هـبّـت معـاصـيـره
ألا يـا طـول شرحـي ميـر جـرحـي مــا يـبـي دكـتـور=تـداويـه الـمـودّه مــن عـــذاب الـشــك والـغـيـره

لــــــ ـسداح