من خلف سور الأعتقال السياسي=سلام من راسي على تاج راسي
سلام ياصبيان ياااام العريضه=يااهل السيوف ملينة كل قاسي
سلام يادرعي بيوم الشدايد=سلام يارمحي وسيفي وطاسي
بأغلى القصايد جيت اشارك وابارك =وانا من اهل الفوز والكاس كاسي
في حفلكم جيت اتفاخر واذكر=بامجاد ربعي كل جاهل وناسي
حنا سنام المجد حنا سنامه=وحنا ابحور المرجله والمراسي
وأهل الكرم والطيب واهل الشجاعه=وفينا الوفاء طبع(ن) قديمن اساسي
وحنا هل المارد لحوض المنيه=لا طاح ستر ام العيون النعاسي
وحنا هل الوقفات وأهل الحميا=وحنا هل الغارات عصرالمآسي
وحنا هل الديره وحنا ذراها=لا جا نهارن فيه لعبة كراسي
وحنا هل التاريخ لامن تشرف=ومايجحد التاريخ ياكود خاسي
وحنا وياللي جاهلن ويش حنا=حنا الجبال الشامخات الرواسي
حي ذا العين يا وبران
تقبل تحياتي
نبـــــض المعــــاني