أتمنى أن تنال الأعجاب وتستحسنها ذائقتكم الشعرية
الا يااهل الهوى توبوا تراكم في زمانٍ شين=بداية حب وإخلاص ونهاية غدر وخيانة
ترى راح الزمان الزين حنا بعد عام الفين=زمانٍ فيه ملعون الثوى كثّر من أعوانه
يجونك شكل نصاحة وهم بالغدر لك ناوين=وراحوا ينشرون أخبار شفت فلان وفلانه
وهي اخبار زور وويلهم من دعوة الداعين=بيقضي ربنا فيها وكلاً يشهد لسانه
ترى ستر العرب ياناس ينصح به دعاة الدين=علشان الجواهر في بيوت الناس منصانة
شرحنا ماذكرنا بس يبقى حاملات الزين=نصيحة من مجرب شاف شيب الحب وأزمانه
ترى بعض الخبول تشيل داخل صدرها قلبين=ملاها حقد مايومن على ربعه وجيرانه
ضعيف النفس لاصادك شهد بالفعل معه اثنين=وصرتي علكة أفواه الضعوف وجيش خبلانه
يقول احبها وتحبني وأشوفها بالعين=وجاب الصورة اللي صادها فالنت (....)
وصدقه من صدقه ووزعوها مراهقين=رحتي ضحية كلب واصبحتي بالفعل ندمانة
وأنتي برئية مانلومك والسبب ذاك اللعين=هذي دروس الوقت وانتي من الدرس زعلانه
الحب طيفٍ مايشاف ولايشوفه حاقدين=هذي من أسرارٍ يموت الرجل وهي بأكفانه