[مناحي الصميل]

السلام عليكم ورحمة الله وبركاته


من اجل التواصل معكم


قديم متجدد

يفز قلبي لا اتّصلتي تليفون = فزّة سجينٍ بشّروه بزياره
اموت انا لا من تحاكت على هون = يضيع ليلي يختلط في نهاره
لكن عذّال الهوى ما يكنّون = الا الحسد ... والأمن هدّوا جداره
الين صارحني وقال انته تخون = لكن ليه تحب ( مريم وساره )
بأقول كلمه دامنا لـ بعض ( ونمون ) = بأرفع بها صوتي وهاااك العباره
دوّر هنا وهناك وفي كلّ ذا الكون = ودوّر يمين الكون ودوّر يساره
ان كان تلقى مثل حبّي يحبّون = والا ترى بأعيش عمري خساره
والله احبك صدق واحب بجنون = وأزيد شعرك بيت ( احب بحراره )
للحب اساليب وقوانين وفنون = واسمي مع اسمك دايماً بالصداره
انتي مدينه حبّ ورديّة اللون = وانا املك السلطه وصكّ الإماره
هذا القمر بالإنقلش اسمه الـ ( MOON ) = لا من ظهرتي كنّ فوقه ستاره
لا عاد اشوفك دايماً عاقد ( النون ) = وعلى العواذل دايماً شنّ غاره
(تعوّذ امن ابليس وابليس ملعون ) = وابعد مسارك دايماً عن مساره
والله ثم والله ذي < موجة ضنون > = بس الأكيد اني احب بحراره

وسلامتكم