يقول طاوعني ولاتجيب سيره=ابنصحك ياعل في الامر خيره
طوف علشان اتعدل امورك =وجامل خصوصأ في الامور الكبيره
وسولف مع هذا وهذا وهذا=وحتى اللي مايفهم بشي استشيره
رفع لخلق الله وضبط معاهم=الدنيا حرب اختار دورك وسيره
اما تكون سلاح والناس هذي=ذخيرتك ولاتكون الذخيره
ونافق وش فيها لما تنافق=لا اول ذنوبك ولا هي الاخيره
واكذب ياعمي اصلن الكذب متعه=يكفيك من شره ويعطيك خيره
واذا بلاك الله بقول الصراحه=قول الصراحه في الامور الصغيره
ازعجتنا بالصح والحق والصدق=الصدق ماودى هل الصدق ديره
وخلص كلامه صاحبي وانا ساكت=ومن عقب هاك اليوم صاحبت غيره
المبدع / عبدالله بن علوش
اتمنى ان تنال اعجابكم