[الحرف العنيد]

حبيـبـي طـــال مـــوّالٍ يـجـيـب الـهــم والتنـكـيـد = عـسـى الله مـــا يخلّـيـلـي خـلـيـلٍ كـــان خلّـيـتـك
.
يبـو عـذرٍ يشابـه ضحكتـة الأطـفـال يــوم العـيـد = أنا ابكيتـك؟؟ حشـا واللـي فتنّـي فيـك مـا ابكيتـك
.
حـرام بعينـك الدمـعـه حــرام بـصـدرك التنهـيـد = حــرام الـبـرد يمـضـغ راحتيـنـك مــا ترضّـيـتـك
.
تعـال وكــل جــرحٍ فـدوتـك يـبـرد مــن التضمـيـد = أشـوفـك مــن زمــان وقــدّر الـمـولـى وحبّـيـتـك
.
مـن اول مـرةٍ شفتـك .. تمنّيتـك وصـرت السّيـد = وتمنّـيـت انّــي اصــلا يــوم شفـتـك مــا تمنّيـتـك
.
تخـيّـل كـيـف سكّنـتـك وخلّـيـت القـريـب ابـعـيـد = وروّح كــل عـاشـق يحـلـم افـبـيـتٍ مـثــل بـيـتـك
.
فـداه مـن البيـوت اللـي يـمـل ويعـشـق التجـديـد = ياعمـري شـف وهـو قلبـي متانـي فيـه وصّيـتـك
.
أسج وتنقلب ضوضا الشـوارع فـي عيونـي بيـد = واجيـك ويرتعـش فـي خافقـي عصفـور لاجيـتـك
.
دخيـل الطلّـه اللـي كـل مـاجـت فــوق ذاك الجـيـد = دريــت انّــك طمـوحـي يــا طـمـوحٍ مــا تعدّيـتـك
.
حشـا مـا مرّنـي يـومٍ صبـوح الا انــت بالتحـديـد = تـراك الصبـح فـي عينـي مــن اول مــا تهجّيـتـك
.
نسيت ان الرّسايـل كانـت مـن ايـدي تسافـر ليـد = تعـطّـر لــك مـسـاك وعطـرهـا يحيـيـك ويمـيـتـك
.
نسيـت انّــك ظـفـرت بـزفـرةٍ تستـاهـل التمجـيـد = ولا تـلـحـق جـزاهــا لــــو تجـمّـعـلـي تنـاهـيـتـك
.
نسيت انّي وضعت الشمس في كفّك وعفت الغيد = وحطّـيـت القـمـر فــي كـفّـك الـثـانـي وخـاويـتـك
.
انــا لــي ذنـبـك وللـذنـب عــذر وللـعـذر تمـهـيـد = ولـك خيـل الرّضـا تصهـل بصوتـي يـوم ناديـتـك
.
تمـتّـع بالـغـلا يالـلـي يسمّـونـك عـنــود الـصّـيـد = والا يـــا كـثــر ماغـرّتـنـي حـروفــي وسـمّـيـتـك
.
حبيبـي لا سقـا الله عرفـي اوّل قبـل اجيـب العـيـد = سقا الله يـوم طشـت .. الا سقـا الله يـوم حبّيتـك