[حقان بن ناصر]

شرفني الشاعر فلاح بن ذروه في قصيده موجهه لي

على هذا الرابط ولاهان وصح الله السانه

http://www.alajman.net/vb/showthread...d=1#post933670

وارد عليه بهذه المتواضعه ويسامحنا على القصور ابو ناصر

هللت بسم الله كثير التهاليل = سبحان عارف خافياتي ومابان
قافن لفاني عدل الراس تعديل = ادخل على الله من سطى الانس والجان
يامرحبا ترحيبتن كنها السيل = من راس بطرانن ليا راس بطران
مني لبن ذروه حفيد الحلاحيل =اللي لهم في ذروه المجد عنوان
فحول الرجال معدله عاصي الميل = هواجرن والطيب حطوه نيشان
ياصاحبن يبدع جزيل التماثيل = كنه يلبسها من الدر تيجان
يمدح بقافن ترخه جيل مع جيل =من طيب راسك ياسلايل كحيلان
ياصاحبن ما يصنع الطيب تمثيل = طيبك بدمك جاريّن وسط شريان
والدله اللي وسط ذيك المعاميل = اصبها لمثلك وشرواك شيخان
لشفت زولك ماتجيني بهاذيل = شفت العشا في وسط عينك ياذيبان
كريم واقوى من حداد المصاقيل = من تجربه ماقلتها زور بهتان
تلطف على المسكين ولهمـه تزيل =وتقسى على العيّال ويروح ندمان
لمثلك نشد حبال كل المواصيل = وفي عرف من مثلك وشرواك ربحان
لا تزهم ال حبيش ناتي مساطيل = وزودن على ال حبيش ياتون عجمان
ابشر بعزك نجعل الجدي وسهيل = كل واحدن في كف ياذرب الايمان
اطلب ولا تشكي قهر خافي الويل = ابشر بعزك لو تبي راس حقان
هذا كلامي ياحفيد الحلاحيل = كلش ولا تقفي من الدار عمسان

وسلامتكم وسامحنا على القصور يافلاح