أول شـي بسم الله الرحمن الرحيـــم ..
هـذي قـصيـده جـديـده لـكـنّـهـا قووووووويـه عـن الـبـدو لـكـن عـز الله انه اكلها هـالحضـري الأجـودي بـلحيتــه ،، وجـاه شـرشحـه لا راحت ولا جت
والـقصيـده لـفـرعـون الـشعـر / نـاصـر ابـن فـارس الـفـراعـنـه ..
وسـبـب هـالقصيـده ..
كان زميل الـشاعر نـاصـر الـفراعـنـه رجّـال دوسـري يـقـال لـه : خـالد ابـن مـدعـث الـدوسـري وهـو شـاعر أيضــاً يدخن في مكان ممنـوع فيه التدخين .
ولم يكن يعلم بذلك
فجاه المسؤول عن هـالمكان . وقال له بـكـل سـخريـه :
هذا أنتم يالبدو !!!
نلقاكم عند هذي وأردى ..!!!!!!!
فليته نصحه عن التدخين وليته ترك البدو وشأنهم ومنذ متى والبداوة عيب يـا هـذا الـردي .... ؟
لقد حمدنا الله على نعمة الأمن والأمان . والذي جعلنا أخوان متحابين .
ولـكـن جـونـا هـالـجـحـلـط ( اللـي مبطي مالهم طـاري ) وهالحيـن بيتشيـخ بمرتبته ووظيـفتـــه ..
قـصـيـدة فـرعـون الـشـعـر : نــاصـر ابـن فـارس الـفـراعـنـه
و اللي ثارت قريحتـه بسبـت هـالكـلام الـشيـن يـقـول :
الله من قلـبٍ علـى مرتـع الخـوركنـه هشيـمٍ دمـدم العـود بالـي
كني عضيض اللي مع الخبت مسعورباقـي مـن المـدة ثلاثـة ليـالـي
يكفخ بـلا ريـشٍ وينفـخ بـلا زورويكفيه عـن رد الجـواب السؤالـي
دنياك يا خالد على السـرج والكـورما تفجع الا مـن زحـول الرجالـي
تجبر عراوي الكلب والبـوم والثـوروتكسـر عـراوي طيّبيـن العيالـي
تنـزل مقـام مخرّقـة كـل طابـوروترفـع مقـام مخرّزيـن النعالـي
شاخت بها الأذناب لحّاسـة السـورسـود الوجيـه مبيّعيـن الشيـالـي
فيها وليـد الـلاش عالـم ودكتـورولقيطـة الحجّـاج حضـرة معالـي
وسلالة الجـزّار مطـوة وساطـورتأمر علينا فـي العصـور التوالـي
فان كان يا خالـد معنّـى ومنجـورما احدٍ يا ابن مدعث من الوقت سالي
وانته عريـبٍ وافـي الجـد مخيـوريا صلب زايـد يـا كريـم السبالـي
أما معي تقطع من العـرق مشبـوروالا قطعـت العـرق كلـه لحـالـي
روحي مثل روحك على سبق مطيورمـا بيـن قولـة لا تجيـن وتعالـي
فكان الزمان بحـدّة البـدو مأمـوريا لوم قلبـي يـوم ينحـاس بالـي
ترى يخالد ما ورا الشـوف مذخـورولا احدٍ يهدّ الطيـر والقـاع خالـي
من عقب ما حنا ذرى كـل مظهـورعلـى سـروج الصافنـات المتالـي
تنتف شواربنا علـى غيـر مبـرورونشرب مرار ويشرب الغيـر حالـي
ياطى الثعل هامـة ثمانيـن منعـوروالذيـب عـوّد فرْسـةٍ للرخـالـي
وولد الردي لا جاء على راس عنقوريبلاك في نفسـه لـو أنّـك مثالـي
صيده ليا جابـه زريطـي وعصفـوريوم النشامـى مـا تصيـد الهزالـي
بالهرج عـدّة نابيـة كـل عثمـوروالفعل ما ملّـى صغـار السحالـي
يـوم انّ كـلٍّ إلْـه حيلـة ومقـدورجـداه كشخـة غترتـه والعقـالـي
ولدة حرامـن بـارد الخـد مقصـورهيـسِ يكبّـر موخـره بالسمـالـي
سبوٍ جبو قدره مع النـاس محقـوروش عاد لو عدّى الرجـوم العوالـي
خبلٍ يدوّر مع قفـا النـاس ثغـروروالقفو مـا نـوّخ ظهـور الجمالـي
والعنز لـو ربـي رزقهـا بزمّـورما يحتميهـا مـن ذيـاب السهالـي
ومـن لا يحـوش الطيـب والعمـرميسور ما يدركه لي ما غشاه الثفالي
فياللـي تعذربنـا هبيـلٍ ومطـيـورأجْل البـداوة عيـب ؟ لا يالخمالـي
كان البداوة عيب ما نيـب مصغـوريا طيـب عيـب معطّريـن السلالـي
حنا البـدو أحـرار وآسـود ونمـورسيـفٍ يقـصّ مروبعـات الحبالـي
حنا البدو حنـا عمـى كـلّ مغـرورما حـنْ عيـال مضبّبيـن الدلالـي
يشهد لنا من حـدر الالحـاد مقبـورويشهد لنا في القاع مـن لا يزالـي
حنا البدو سيـفٍ بالايمـان مشهـوروتشهد عليـه قصارهـا والطوالـي
لا نقطع الذمة .. ولا نشهـد الـزورولا نتلب العانـي ليـا جـاك جالـي
ولا نقلب الملة.. ولا نطـرد العـورولا نسهج الشينات وسـط المفالـي
ولا ننقل العجرا .. ولا نطلب الغـورولا نلحق الكـف اليميـن الشمالـي
ولا نذبح العجفا .. ولا نسبق الـدورولا نطـرد المقفـي لشـدّ الرحالـي
ولا نزرع الصبخا .. ولا نحفر القـورولا نطرح الا من السمـان الجزالـي
ولا نعبد الرتبه ولو هـو امبراطـورولا نهـاب الا عـزيـز الجـلالـي
ولا نخلف الهقوة.. ولا نطلق الحـورالا علـى طيـب وحافـظ ووالــي
ما نقطع الساقة .. ولا نبعج الشـورولا ندغـر القالـة بقيـلٍ وقـالـي
ولا نبخس الكيلة.. ولا نجحـد النـورولا حِنْ من اللي يكنـزون الريالـي
ولا نشعب الذلة ولا نخـاوي البـورزرق العيون ضراب شـرْد السحالـي
ولا نضرب الطبلة.. ولا نشحذ الكـورفضلـة عبيـدٍ للأكـابـر مـوالـي
ولا ندهل العِبْلة ولو طورهـا طـوروالرزق في يدْ مـن عليـه اتكالـي
حنا البدو يوم اكثر النـاس طرطـورناطـى صمـا صمـيـم الجبـالـي
عشة,ولا قصرٍ على الـذل معمـورنلعـب عليهـا الهمّـلا همّـلالـي
عشة تدوم ولو على سبعـة بحـورولا قصر لا مالت به الريـح مالـي
حنا البدو يوم اشهب الملـح منثـوريامـا خزمنـا روسهـا مـا نبالـي
رجّالنا في حومة الحـرب مسطـورورضيعنا مع ضرب الاشهـب يلالـي
حنا على كبـد العـدو مـرّ ممـروروعلى الخـوي مـيٍّ قـراحٍ زلالـي
ما قد وِخِذ من حقنـا كبـر الاظفـورمير الدهـر خلـى الخفايـف ثقالـي
من خلقة الدنيا إلـى نفخـة الصـوروالبدو أخَيْـر النـاس بـأول وتالـي
ذبّاحـةٍ يـوم اول الوقـت مذعـورحمّايـة المَرْكـي نهـار القتـالـي
فحولٍ وسادتنا حصـا كـلّ شنظـورو لحافنـا بيـض النجـوم المدالـي
ما نبدي الشكوى لخاطـر ومخطـورألا علـى الواحـد أحـد ذو الجلالـي
ولا نغبط الحاكم على حكمـه الـدُوراليا رعينـا فـي الفيـاض الخوالـي
ياما حلا سـوق المعاشيـر بقفـورونجم السويبع مثـل قـرن الغزالـي
في خايعٍ توه مـن الوسـم ممطـورنوّار عشبـه مثـل نقـش الزوالـي
إبْلٍ رعوها البدو مـع كـلّ دعثـورتسـوى شَبَحَـات الوجيـه المكالـي
روحك يا ابن مدعث على ريشة كروراحذر بهـا صفـر العراقيـب تالـي
وان عذربوها بأشقر الكنـت معـذورأغاديه يِذهب عن حشا الجوف صالي
وان عذربك من سِلْحة الناس مسموراشـرب وطـقّ مشقّـره لا تمالـي
قبلك شرَبْه الجهْر ناصـر ومنصـوروعضيب وعقـاب عنِـزَة والهلالـي
وشرب ازرق الدخان ماهوب محظورالعيـب زرع الهافيـة عنـد غالـي
ابشـر يخالـد دام لـي دمٍّ يـفـورمانيب مـن هـو قـال دوّر بدالـي
أمـا خذينـا حقّنـا واقبـل الـنـورولا ترانـا مـن بـنـات الحـلالـي
ماني وانا ناصر بهـورٍ ولـد هـوروانا الذي مـن راس عمـي وخالـي
فيالله في كونٍ مثـل كـون جمعـورهشهاش بـاروده سـوات الخيالـي
يصبح به الهافي عن العـز مكسـورويصبح به الطيب علـى راس عالـي
ناخذ به خفـاف الموازيـن بالـدوروكم راس نذلٍ عـن كتوفـه يشالـي
والنصر الى قالوا على الضد منصورما هو علـى زعْلـة خـويٍّ قبالـي
وما قلّ دلّ وزبدة الـروض حمـروروالا كثيـر الهـرج مالـه ومـالـي
منقووووول