[الشامرى]

الاخوه الاعزاء ،،،،،
اليكم قصيده رائعه من الشاعر الرائع يحيى المحيريق آل فهاد وأسلوب وصف ولا مثله واعتقد انكم بتشاركونى متابعة الموقف واليكم ماحصل :---------------

على المدخل لقانى فاهق الشيله على الامتان=وصد ورغم تأثير الخجل وقّف يحينا
بسلبيات دبلجنا شعور الخافق اللى بان=وتطرقنا مواضيع هدفها مايسلينا
مواضيع صنعناها بلا معنى ولابرهان=عساها تستفز احراجنا والا تواسينا
سؤالات نكررها كيف حال الاهل والخلان=قتل تأثيرها التكرار بين الحين والحينا
ولذنا فى سكون الصمت لحظات بلا اطمئنان=وصار الصمت مثل الموج يبعدنا ويدنينا
وأخيرا بحت له بالسر متضايق وانا خجلان=أخاف ابوح له ويثور وتنقلب الموازينا
تأكدنا اننا كدنا وزرنا مشتل الريحان=وخشينا نقطف الريحان ويذبل فى مخابينا
مشى الموضوع وأسلوب التناسى بلور النسيان=وتواعدنا باشارات الكلام اللى تناسينا
غريبه وانتى اغلى من كنوز الشرق وسليمان=بنظراتك وصمتك وين مقصودك يودينا
طلبتك موقف انسانى تحدد به حياة انسان=وتجاهلت الحقيقه وانت تدرى عن خوافيها
بعد لحظة خضوعى لك وقلب بالغلا مليان=تجينا اليوم يسأل عن هويتنا واسامينا
بسيطه هاك الاسم اللى طلبت وكامل العنوان=نقدمها ومايرضيك يابن الناس يرضينا
أنا اسمى عاش من سماك يحيى ونجمى الميزان=وعنوانى غلاك وربع نظره منك تكفينا
دخيلك لايفارق نون عينى خدك الفتان=تجود برحمتك والا دخيلك لاتورينا

سلامتكم