هذة القصيدة كتبتها في أحد شيوخ العجمان الذي قام بخدمتي خدمة جليلة فكتبت هذة القصيدة به ، ثم قال لي بهذا النص ( لو يجي بن فطيس ماقدر يجاريك بها ) و هذة مبالغه منه ، وأحب أن أنزلها بالمنتدى و من يستطيع مجاراتها فالمجال مفتوح علما بأن هذة القصيدة لها شهرين :
صبح يا صبح السعادة اخرك لو طلت ليل
ومن يظن الوقت ياقف فيه الايام تعدي
و الزمن يومين اعادة يوم سيل و يوم ويل
يعني اليوم ان صفالك لاتظنه سرمدي
و البشر مثل الاصابع ذا قصير و ذا طويل
اصبعن يركع........ و اصبعن يستشهدي
اتعاما و اتغابا لجل احصلي حصيل
و نفسي ان جاها بلاها قلت يانفس اركدي
ماذهين الا الذهين ولا حليل الا الحليل
واحدن دل الدروب واحدن فيها يغدي
واحدن مثل السراب واحدن مثل الصميل
موترن قير ومكينة واخرن هيكل بدي
و ماجزيل الا الجزيل ولا هزيل الا الهزيل
و الاجودي لو مانو لك شر يبقى اجودي
من عذر صدام يومنه رثع باهل الدجيل
الله انه لايلومه يوم يضد المعتدي
مابظل العوشزه لا مستراح و لا مقيل
انشدي ياعين عن ظل الشواهيق انشدي
و انت يالقرم المجرب راعي الفعل الجليل
انت ياللي لا دفنت القصد تفهم مقصدي
يالجمل ياللي تشيل الحمل لونه ثقيل
يالحصان اللي سبقت الكل بالفعل الندي
جعل يفداك الضعيف و جعل يفداك الذليل
و جعل تفداك الرخوم و جعل يفداك الردي
و الله انه المدح في حقك لو كثرته قليل
انت فعلك يمدحك قي يدك ماهو في يدي