الضيقة اللي مالهـا حـزه ولا منهـا مصـد=أخـاف ساعـات العصيـر المقبلـه تاتيبهـا
يالله دخيلك من قسى وقتي وحـظٍ ماصمـد=في وجه صكات اليالـي يـوم يقنـب ذيبهـا
واعوذ بك من فتنة الدنيا ومن ضيـق اللحـد=واسئلك عن نفسي من الشيطـان لايغويبهـا
وسئلك تفغرلـي ولصحابـي ولعدائـي بعـد=تعفو عن ذنوبٍ نجي فيهـا وحـن ندريبهـا
الوقت يشعاني على الطرقه وانا مافـي جهـد=شهب اليالي تقهر صـدور الرجـال بغيبهـا
لكن انا لو جارت ضروفـي وزادت بالعـدد=اضرب بها الحايط طناخة راس ولا اشكيبهـا
واعز نفسي مع مداغيش النشامـا واجتهـد=على ظروفٍ تجلـب الضيقـه ولا تسريبهـا
والبارحه في راس مشرافي ولا افكـر فأحـد=كني ملكـت الأرض مـن شروقهـا لمغيبهـا
قعدت افكر فالسنين اللي مضت واللي بعـد=ليييه السنين التاليه تفشـل ويفشـل صيبهـا
وليه الرفيق اللي ليـا منـه تجمـل ماجحـد=ان ماذكرها لك .. مع كل العـرب يحكيبهـا
ياحيف يارفقة ضعيف النفـس مافيهـا سنـد=مالله بجابرني علـى رفقتـك ويـش ابغيبهـا
لاسرت تطعننـي بشلفـاك الرهيفـه وتخمـد=فالطعنه اللي فالظهـر مانيـب مـن يغزيبهـا
لو دامت افعالك كذا ردت لك الدنيـا لـدد=حافظ على سمعتك مـن فعلتـك لاتقفيبهـا
الرجل لامنـه نـوى يغـزي ينـوّه ويهجـد=ماهوب يغزي وان رجع هزل العلـوم يجيبهـا
لكن ياطلق الحجاج اللـي عيونـك ماتلـد=الا لـروس النايفـات اللـي مهـو يبديبهـا
كون الحرار الشقر وعيال الذيابـه والأسـد=ولا الرجال اللي مع العريـف يذكـر طيبهـا
اسئل رفيقك من بعد مغزاه قلـه وش حصـد=غير العلوم اللي ماتطلق وجـه مـن يمشيبهـا
عزالله انه كان فعيـون النشامـا مثـل اُحـد=واليوم مثل الحيـة اللـي تنعـرف بجنيبهـا
حاولت اكذب بالخبر لكن على غمـي وكـد=والسالفه قـام الزمـان المنحـرف يدويبهـا
لكن على كلاً ياحامد كانك بتاتي .. حمـد!!=قله ترا البندق مـن المؤسـف تثـور بجيبهـا
البندق اللي ماتصوب كون ابن عـم وولـد=عيبٍ على الرجـال ينقلهـا ويجهـل عيبهـا
لاسارت البندق مع عاقل وهي فيهـا صـدد=كبرت خسايرها عليـه اليـا قعـد يرميبهـا
وشلون لاسارت مع جاهل وفعيونـه رمـد!!=لاوالله الا راحـت الدنيـا وراح اللـي بهـا
رفقة مثل هذا وهـذا كلهـا كيـد ونكـد=ولا تحـرا مـنّـه الا نكـبـةٍ يضويبـهـا
ماكنه الا العقرب اللي ذيلهـا كلهـا عقـد=ان روّعتـك بزولهـا ولا قرصـك ذنيبهـا
لكن تعال اعلمـك ياصـاح بعلـومٍ جـدد=لو تزعلك بعض النقط... لايزعلك نطقي بهـا
اشره على العاقل ليا شفتـه بجرحـي يعتمـد=ولا العلـوم الباقيـه مانيـب مـن يحريبهـا
البيت مايبنى بدون اطناب..وحجاب..وعمـد=والنار مـن شبابهـا والخيـل مـن ركيبهـا
وأنا عيوني لالطليعا فـوق ..معطتنـي عهـد=والأرض تكره مشيتـي وانـا بعـد ماليبهـا
لاسار في راسي سحابة شعر.وبروق.. ورعـد=وشلون تبغى الأرض تصفالي وانـا موذيبهـا
شاعر واشوش لصيحة الجمهور وانحت في جلد=وان صفق الجمهور جزلات البيوت ارهيبهـا
اغزي على بيت الشعر في عقر داره ويهجـد=من هيبتي عنده بيوت الشعر لـي يصخيبهـا
كذا كذا الشاعر يجي فالشعـر قمـه للأبـد=ولا بـلاش يلخبـك الأبيـات ويهذريبهـا
الشعر مثل الموج ودقاق الشعر مثـل الزبـد=ولا الدرر في غبـةٍ بعـض الرجـال تهيبهـا
وانا بحاول قـدر الأمكـان اتعمـق وابتعـد=وان قلت لك باجيبها ... في ذا الشنب لاجيبها
شاعر مفوّه واسبح الغبـه وابشـر بالسعـد=واكسب دررها كسب.مابيّع بهـا واشريبهـا
لأن الشعر مثل البلد وانا مثـل حاكـم بلـد=وبلادي اسجل تواقيعـي بهـا واسمـي بهـا
وانا فقط شاعر ولا ابغى لي بلد لـو تنّوجـد=ابلادي حروف القصيد اصبح بهـا وأمسيبهـا
واسجد لوجه الله واقول ارجوك يافردٍ صمـد=تعفو عن ذنوبٍ نجي فيها وحـن نـدري بهـا