[نـاصـر]

سلامُ عليكم

المحاوره المباشره بين طويق والملك بأختصار :

طويق :

ياسلام الله .. على أهل الطيب والمبـدأ تحيٌـه=مرسله لـ.صحابنا من فـوق جنحـان البقالـه
من يهـوز النـاس ويسلمهـم خطـام المطيٌـه=لا يجي درب الندم .. ( لامن ) خذو باقي حلاله

الملك :

مرحبابك في ليال الأنس والدنيا مديه=وانت ياوارد فيينا مالقينا لك وكالـه
من يسلّم لحيته للنقد لا يشره عليـه=دامني مانيب اجامل لحيته والا عياله

طويق:

البقا بك وأنت كلك منتقد والنـار حيٌـه=كان تبغى جملة ً وحده تكفي البرتقالـه
مانبي نفتح مع أهل عمان تفصيل القضيٌه=والملك ماهو بيكفيني ليا جانـي لحالـه

الملك:

لاتشيبه في خلف هذال هون منت زيـه=لاتفشلنا مع العربـان ماحولـك جزالـه
ولاتسفر ربعي العجمان بفلـوسٍ رديـه=سو مثل الذيب ماياخذ على الطرقي رياله

طويق:

أنا رزقي بعملي .. ما أمٌـد للعالـم يديٌـه=وأنت يشهد لك ولد عمك ..عقب بدل سماله
أنت الأول وهو ثاني والدعـاوي سرمديـه=والدليل .. ان الولد لا فاع وقف ضد خاله

الملك:

ماطلبوا ياكود رب الكون خلاق البريـه=كاسبين المعرفه والشعر ماجاهم سهاله
وكان للمقرود نيّه للملـك مليـون نيّـه=والملك لامن بغى ياطويق ضمك بالكفاله

طويق:

الملـك ربـي إلآه الكـون غفٌـار الخطيٌـه=وأنت كيف الحال .؟ غيٌر نكـك ودوٌر بدالـه
أنت تتبع جـرة ً توصٌلـك للبيـر ضحويٌـه=والدلو .. مخروم يفضى ماه لا وصٌل المحاله

الملك:

ظني ان شعرك يعـود للديـار الهاشميـه=كان تبغى الشعر فأسمع للملك وأخذ الرساله
والختام احلا من الريحان عقـب العقربيـه=بس احب انصحك يأبن الناس قدم لأستقالـه

الله يعطيني العافيه ولايهيني على التنسيق