بسم الله الرحمن الرحيم
صباح الخير يأول من طرالي مع صباح الخير=عبر طيفك علي وقلتله ياسيد اطيافي
ذكرتك قبل نسمات الصباح وقبل صوت الطير=واكيد الطيف هو اللي مصحيني وانا غافي
هلا ياطيف منهو حدني للشعر والتعبير=جعل حبر القلم فوق الدفاتر يرعف ارعافي
ليامني تذكرتك زهمت الشعر والتحضير=وسليت المشاعر من خفوقي واعتزى قافي
ورسمتك في قصيدي لوحة(ن)ما صورت تصوير=لها من كل انواع الفنون اشكال واصنافي
وكتبتك بأصدق اقلامي حكايه مالها تفسير=وانا الكاتب عجزت القى لها مضمون ينشافي!!
صحيح انك بعيد ولاكن اللي فالضماير غير=وانا ماودي اكشفلك عن اللي فالحشا خافي
ابيك تشوف في عينك0ابيك تحس فالتقدير=ابيك تقول هذا اللي وطى جمري وهو حافي؟
تعال ومد حبل الوصل 0ماله داعي التقصير=تقاسمنا الهجر من بيننا واللي حصل كافي
تعال ادلعك واخلي اللي ما يصير يصير=وأصف من الثريا عقد يسكن عنقك الصافي
وأسلمك الخفوق اللي رفض ينصاع لرضى الغير=ولاكن0 هاك 0تستاهل خفوق لاعشق يافي
وانا باقي على خبرك مناحي وارفض التغيير=مدام اطيافك العذبه تصحيني وانا غافي
مناحي ابن احماده