الــسلام عـليـكم ورحـمة الله وبركــاتـه
يســعـد صـباحـكم 
اضيق لامن قلتلي مسألة وقت =ومن بعدها يحلى معاك التلاقي
ساق القدم وصلي وانا للقدم سقت = وانت كسرت من الجفا عظم ساقي
وراحت ثلاث شهور من يوم فارقت = وقلبي مع ايام الزمن في سباقي
ياما من الاعذار والكذب لفقت = ومن كذبتك قلبي فلا عاد طاقي
أشغلت تفكيري وللخافق اقلقت = وحلم المحبه مابقى له بواقي
لعبت بأعصابي وللهم عانقت = وكنت أحسبك حساس وانسان راقي
أنا اشهد اني في غرامك توهقت = في ما مضى واليوم مات اشتياقي
والحمدلله يوم انا فيك برقت = وبانت حقيقة ماكساه النفاقي
لو كان شوقك مثل شوقي اليا اشتقت = ان كان ما يكفيك لحظة عناقي
ولو كان ذقت من الغلا مثل ما ذقت = ان كان ما ينسيك طعم المذاقي
ولو كان لامن ضقت من ضيقتي ضقت = والله فلا يطري عليك الفراقي
لكن خلاص اليوم للحب طلقت = ومن خاطري عفتك علي الطلاقي
عسى فؤادك يحترق مثل ما أحرقت = قلب نكرته عقب حب ووفاقي
وـوـوســلامـتكـم
الـشاعــر // حـــسن بــن عــلي الـهـاجـري