[طفلة الحرمان]

من بعد هذا ياهجـوس الشعـر هيـا والهمـام=ان كان ماوردتش اعدوود الـروا حقـش علـي
شاعر ولا مني مشيت امشي على حسب النظـام=وابيات شعري كلهـا مثـل الجواهـر والحلـي
ولا مدحت امدح هـل الطالـه رفيعيـن المقـام=اعرف متى اسوق جملي واعرف متى ارد اجملي
سلام ياقايد هل البحريـن واثنـي لـك سـلام=اعداد حبـات الثـرىآ واعـداد همـال الولـي
سلام من احلى من قرا حلمه من بعد طول الصيام=وآلطف من النسناس واعذب من مواريـد الدلـي
ياعدًل من الميزان واصدق من هماميـل الغمـام=واحن مـن قلـب الولـي لاحـن قلبـه للولـي
ويبلغ من الطعنات بالخنجر وبالسيـف الحسـام=وينعم من الديبـاج وانـواع اللبـاس المخملـي
الا رضيت تهـون الكايـد الـى بـرد وسـلام=والا زعلت تشب نار الحـرب حتـى تصتلـي
ولا عتزلت بك عزوتي شيخان في يوم الزحـام=تاقف لها وتقول بعلـى صـوت يابنـت اقبلـي
انا اشهدٍ انك شوق زاهيـت المصايـف واللثـام=وانا شهد انك فـوق رووس النايفـات الزحـل
يحق لك لي قلت انا القايـد انـا نسـل الكـرام=ماهي غريبه وانت ابن عيسى وساسـك وايلـي
طورت مملكتك الى افظل شي واحسـن مايـرام=واعلنـت ياشعـب الوفـا مستقبلـك مستقبلـي
ومشيت درب الحـق ضـد التفرقـه والانقسـام=ورفعت صوت العز يالبحرين نامـي وازهلـي
خل الحسود يخش راسه في الرمل مثـل النعـام=مثـل حسـد بلـوىآ وراعيـه بنفسـه مبتلـي
وحنا معك في ما تبي الى الامـام الـى الامـام=في الجو ولا البر ولا فـي الطريـق الساحلـي
نظيـم عدوانـك علشانـك وحـنـا مانـظـام=ونشوش لامن عودت فزعه ونخـوه وصملـي
ولا عرجنـا بالأسامـي ماعرجنـا بالـكـلام=واصدورنا من عزة الأنفـس تفيـض وتمتلـي
ياسيـدي بقولـك حاجـه ولا فيـهـا مــلام=استاذنك واقولها لـك واستمـع فـي مـا يلـي
فكـره وقـد قيلـت واذا قلتهـا ماهـو حـرام=حبيـت اجددهـا بترتيبـي وشغلـي وعمـلـي
حنا ترا يام العريقه وانت عـارف ويـش يـام=كبيرنا مطنوخ واصغرنـا يجـي قـرم وشلـي
ولا طلع فينا جبان يخـاف مـن جنـح الظـلام=اخر نتيجـه عندنـا يذبـح مثـل ذبـح الطلـي
ابشر بعزك كلنـا مـن دونـك انشـد الحـزام=ناقف مثل عثمان ولا مثـل بـن طالـب علـي
لك الولاء والود والتقديـر واسمـاء الاحتـرام=واقلوبنا لك بالوفـاء والصـدق مافيهـا خلـي
لاكن باقي بيـت بقولـه قبـل مسـك الختـام=والبيت هذا يطًبخ فـي الـراس طنخـه ويغلـي
لو اني ادري ان موتك قبـل موتـي لـو بعـام=لا اعطيك هـذا العـام وودع اربوعـي وهلـي