الكامل الله ... والخطا طبع الأنسان

[ودي بشوؤوفك]

من طبع ـي ارد الإساءهـ بالاحسان





وأساير ظروف الزمان اللعينهـ ..









وأطوف الغلطه من فلان .. وفلان


يعني من أجل عين تكرم مدينهـ ..













الكامل الله والخطا طبع الانسان


والدرب يفرق عن يسارهـ ويمينهـ ..












و الصاحب اللي له معزهـ وله شان


ان جاني بشينهـ .. تذكرت زينهـ ..












اتحمل اخطاءه معي قدر الأمكان


من جانبي تبقى العلاقه متينه ..












واللي يغلطني وانا ماني بغلطان


اصابعي احطها وسط عينهـ ..











مادامني مسلم وفي قلبي إيمان

عمر البحر ماشال هم السفينه ..









مرت علي انواع .. واشكال .. وألوان


بين العقول الناقصه .. والرزينه












عندي قناعه ان الإنسان شيطان


اذا يهينك لازم انك تهينه ..












يعني اذا حاجتك بيدين عدوان


يكفيك شر المهزله .. والغبينه ..












من كثر ماجاني من الناس خذلان







تحرجني حتى كلمة الله يعينه










صحيح لي ربع .. وجماعه .. وخلان

وأضيق لكن حاجة الناس.. شينه











الشخص دام انه بكل شي خسران
تأكد انهآ من عمايل يدينه ..









من مرحلة حب .. ومشاعر .. وحرمان







إن مالعنت الحب تلعنه سنينه ..










اكتب شعر واعزف من اشواقي الحآن







واسلي قلوب الغرام الحزينه ..










ولو الشعر مخلوق في هيئة انسان







والله لأقول له تسلم واقبل جبينه