اللي يروح للعمره يقولون له عمري...

[شوشو أحلاكم]

هااااي
بونجور كيفكون انشاء الله مناح
انا العطله هاذي رحت للعمره وهاذي اول مره اروح لها وبقولكم كل المواقف اللي صارت لي هناك وكل ما اتذكر شي راح اكتبه لكم
اول ماقال ابوي انا نبي نسافر عمره راحت دقيت على خالتي وقلتلها تروح معاي السوق عشان
بفصلي عبات وهي مشاء الله ذوقها بالعبايات ينن رحت فصلتلي خمس عبايات بعضها من المعرض وبعضها من السوق يعني ماكو مكان ما رحتله عجييبه بس كلها تكون مسكره من فوق شوي ومن تحت مفتوحه ويكون معاها بنطرون المهم هم ما يطلعون بنفس احنا نبي نسار يوم الثلاثه وهم يطلعون يوم الأربعاء المهم حدي متوهقه وماعدي ولا عبايه اقزر فيها وقلت حق ابوي يروح معاي عشان اخذ العبايات لأن امي كانت سو بزي تزهب اغراضها واغراض اخواني
المهم عقب ما خذيت العبايات رجعت البيت زهبت جنطتي وكنت تعبانه حدي ونمت اول ما قمت
الصبح بسرعه لبست وتمكيجت ولبست عبايتتي هي العبايه الوحيده عندي كانت سمبل اول ما طلعت ولا امي تقولي شنو هذا قلتلها شنو اللي شنو قالت مكياج ونظارات <<عاد انا والله مو حاطه غير كريم حمايه اللي يكون معاه فونديشن خفيف وقلوس ومسكره>> وشالعبايه هناك الهيئه راح يزفونج قلتلها شسوي انا مو متعوده عالعبايات صج ما عرف امشي هي مفتوحه وبنطرون وارفعها لما امشي ولا تقولي امي بعطيج عبايه من عباياتي تكون مسكره بس عشان اتعمر فيها المهم يوم وصلنا هناك وقعدنا نطوف وانا كنت رافعه عبايتي لين ركبتي هي مو طويله بس امي تقول رفعها عشان ما يدوسون عليها وانا لاصقه بإبوي حييل وامي وخواني قدامي ولا تجيني وحده تطقني من ورى تقولي سيبيها وانا اطالعها منثوله مادري شالسالفه ولا تقولي ثاني مره سيبيها الناس بطالعوكي ولا ابوي يقولي ايه قصدها العبايه نزليها عاد انا نزلتها شوي من الخرعه علبالي هي مع الهيئه لما رحن عند مقام ابراهيم او يمكن اسمه غير ما ادري المهم اللي في ريل ابراهيم لما رحتله كان فاضي شوي ولا يزدحم ولا يجي الشيخ اللي مع الهيئه يقولي انا لا تجوز العبائه اللتي عليها الزينه انا كنت قاعده امشي بروح واختي وراي ضحكت انا هني انقهرت ولا قلت يعمي طير احمد ربك اني لابسه عبايه ونحششت بسرعه انا لما قلت كانت امي رايحه تصلي يعني الحمد لله ما سمعت ولا جان زفتني
المهم خلصنا تعمرنا ورجعنا الفندق خذيت شاور ونمت صج كنت يوعانه بس من التعب نمت جذي عالعصر قمت من النوم ولبست وتكشخت لأن ابوي قالي نبي نروح نتمشى ونتغدى <<حلوه صح نتمشى ونتغدى رحنا وتغدينا وتعرفت على بنات كويتيات كانت امهم رفيجت امي حيل قبل لما اذن ما اذكر اي صلاه مادي يمكن العصر او المغرب لما رحنا نبي نصلي كل ما ندش مكان يكون زحمه عند كل مكان صلاه مال الحريم تكون في وحده لابسه عبايه ومادري شنو يعني ماكو شي مبين فيها وانا كنت اسولف مع البنات وامي ورفيجت امي يدشون داخل يشوفون زحمه ولا لأ وانا امشي واسولف المره اللي واقفه عند المصلى حركت ايدها لليمين يعني روحوا المصلى الثاني و انا كنت اسولف وما ادري انها مره بس كنت المح شي لونه اسود من طرف عيني ولما حركت ايدها انا فزيت ولا البنات واختي الصغيره يضحكون علي لأني فزيت عاد انا قلت لا تضحكون لا علبالي درام زباله امبيييييه فشله استوعبت اني قلت جذي وهي سمعت والله ماكان قصدي اني اقل ادبي عليها ولما شفتها لقيتها حاطه بروش مال الهئه بس كل هذا صار بسرعه لأن الصلاه تبي تقيم وامي ورفيجتها يدخلون ويطلعون

وفي ثاني يوم لما قمنا نبي نصلي صلاه الفجر وكان المكان حده زحمه ولا تجيني الهيئه تقولي اللي يصلون بالكراسي هني والباقين داخل او روى ولا امي تقولي انتي قعدي مكانج وانا بروح اذا لقيت مكان داخل بدق عليج مالقت مكان وقفنا مكانا ولا تجنا ثاني مره وهي تزف وتصارخ على الحريم ومادري وشنو عاد يت وحده مادري هي سوريه او ارديه تهاوشت معاها والأردنيه سبتها شوي ولا تيني ثاني مره وتقول روحوا ولا امي تقولها نتبي نصلي ركعتين السنه ونروح وما خلصنا احنا كنا نصلي على طرف بعدين رحنا بالوسط امي كانت تصلي واختي صغيره ما تعرف ترد ولا تقولي وين قاعدين حنا بالملاهي تقولين نصلي ركعتين وتغيرن مكانج عاد انا انقهرت وقلتلها بصوت شوي عالي نضحك مثلا انتي ويهج يعني سمعوا ترى انا دم خفيف قاعده اانكت<< قصدي هي ولا الحريم اللي وراي اضحكوا وامي اول ماخلصت الصلاه زفتني وعلمت ابوي عشان يزفني بث بابا حبيبي ما ذفني هههههه

وبقولكم موقف ثاني صار يموت من الضحك امي قالت بروح اطوف انا وابوج وخلي خوانج عندج لأني اكبر وحده ولا اخوي الصغير نزغه يقولي شو شو بروح ادور قلتله روح عشان يجي احد يخطفك وافتك منك يروح يدور ويقحص ومادري شنو ويني استغفر الله يغني يقول قلب قلب ليش تروح ويروح ثاني مره ويرجع يغني مسكته زفيته انا كنت خايفه ان الهيئه يطقونه وقلتله انا اهني في ناس يبوقون ومادري شنو ولا يقول عادي مو خايف راح يقحص ثاني مره ولا يدعم وحده افغانيه ويطيح على الأرض ولا يت تبي تشيله ولا يركض يقول بصوت عالي شوشو شوشو سوده تبي تبوقني واللي وراي كلهم سود امبيه حده فشله

واول ما اتذكر شي را اكتبه لكم وانتوبعد بشوف ردودكم ومواقفكم

[شوشو أحلاكم]

ايه نسيت اقولكم ليش عنوان الموضوع جذي اخوي النزغه سئل ابوي قدام الريايل اللي
يروح العمره يقولون له حاج اللي يروح العمره يقولون له عمري صح

[شآسع المري911]

هههههههههه


تعالي تحت وشوفي الرابط

http://alajman.net/vb/showthread.php...19#post2650919

[عجميه كيوت]

^
^
^
أخي ساشع أقديييييييييييييييييييت

أخت شوشو ليت الله ولا ذا السفره خيتوو

أنا عن نفسي جاني حارق وأنا أقرأ

بذلتي مجهود بالكتابه تستحقين الشكر عليه

وأتمنى أن تكون عمرتش مقبوله ..

والسموحه

[شآسع المري911]

8 8

اما جاش حاارق هههههه

[مطلق الخالدي]

دخت وانا اقرا
ولاهنتي ع الطرح
وعمره مقبوله ان شاء الله

[نــــور القــــمر]

ههههههههههههههههههههههههههههههههااي
شوشو لاهنتي خيتو ع المواقف الطريفة وبعضها
صارلي مثلها الله يعطيج العافية وننتظر يديدج

[شوشو أحلاكم]

امبيه بدلياتي وايد بس عذروني وانا اكتب كنت حدي مستعيله ايه نسيت اقولكم ليش عنوان الموضوع جذي اخوي النزغه سئل ابوي قدام الريايل اللي
يروح العمره يقولون له حاج اللي يروح العمره يقولون له عمري صح

قصدي ان اخوي سأل بوي اللي يروح الحج يقولون له حاج واللي يروح العمره يقولون له عمري صح

[شوشو أحلاكم]

المشاركة الأصلية كتبت بواسطة عجميه كيوت

^
^
^
أخي ساشع أقديييييييييييييييييييت

أخت شوشو ليت الله ولا ذا السفره خيتوو

أنا عن نفسي جاني حارق وأنا أقرأ

بذلتي مجهود بالكتابه تستحقين الشكر عليه

وأتمنى أن تكون عمرتش مقبوله ..

والسموحه :d

منوره حياتو بس شنو يعني حارق واقديت بليز جاوبي

[نــــور القــــمر]

حارق = حارج
اقديت = ؟؟ والله ما ادري ؟؟