يالي غلاه أغلا من الـروح للـروح

[عبرة وداع]

تحيه معطره بماء الورد والكادي



يفوح شذاها متصفحي بمروركم العاطر



مجرد حضور استدعاه الشعور



آمل ان يسموا لمستوى الذائقه








شيًدت له بين الضلوع عدة اصـروح
واسكنتـه بقلـبي وفي وسـط العينـي

يالي غلاه أغلا من الـروح للـروح
طيفـه يبارينـي ويسبـق حنيـنـي


أشهرت سيفك يالغلا بدم مسفـوح
ضمًد اجراحه واحتضنهآ سنيني


مديت لك يمنا ولا فيـك مصلـوح
واهديتنـي قلـبن كسيـر بيديـنـي


أجامل العـذال فـي ضحك وامـزوح
طالبـك يـا رب العبـاد اتهديـنـي


وان كان طاري البعد ثارت بـه اجروح
مجبوور يا خلًي ظرووفـي أتحدينـي


أصعب على الانسان فـي نزعت الـرووح
تصوير حالي عقـب فرقـى ضنينـي

[قلبي معاهم]

الله الله على الابداع والكلمات الجميله ياجفلاء وصح الله السانك
وهذي من ابياتي شبيهه بما تعنيه
قالو تحبه قلت بالحيل واغليه =
وشلون ماحبه وهو داخل الروح=
دايم يجي فالبال ذكره وطاريه =
واتخيله فالدرب من وين ماروح=

[سلطان ال شريد]

أصعب على الانسان فـي نزعت الـرووح
تصوير حالي عقـب فرقـى ضنينـي

...


اللـه عليش جـزله وابيـآإت في قمه الرؤوؤوعـه لهآ مخزون شعري كثييف ..


لاهنتي يآجفلآإء على هذآ الابدآإع ..

وآإصلي

تحيآإتي

[ضاري البذال]

هالله هالله صح اللسانج ياجفلاء


قصيده جزله


يسلموووووووووو
على الابداع


تحياتي ضاري البذال

[العــــديم]

أصعب على الانسان فـي نزعت الـرووح
تصوير حالي عقـب فرقـى ضنينـي

قفله للقصيده ولاأروع ..

صح لساانش ملاايين ..

إستمري ..
وسنري بجانب معرّفك لقب ( شاعره ) ..


لاهنتي

[مشاري العجمـي]

أصعب على الانسان فـي نزعت الـرووح
تصوير حالي عقـب فرقـى ضنينـي


صح السانش قصيده جميييله...والبيت الاخير قصيده بروحه,,


تحيتي

[خالد بن رمثان]

أجامل العـذال فـي ضحك وامـزوح
طالبـك يـا رب العبـاد اتهديـنـي


أبيات عذبه يا جفلاء
صح بدنش و فإنتظار جديدش هنا ..

[الريــ اللعوب ــم]

أجامل العـذال فـي ضحك وامـزوح
طالبـك يـا رب العبـاد اتهديـنـي


يااااااااسلاااامي عليش ياااجفلاا
صح الله لسااااانش
ولااااهنتي لاااهنتي عليهااا
جاااازتلي

وووووووبس كذاا..

الريــ اللعوووووووووووووووووووب ــم

[عبرة وداع]

المشاركة الأصلية كتبت بواسطة قلبي معاهم

الله الله على الابداع والكلمات الجميله ياجفلاء وصح الله السانك
وهذي من ابياتي شبيهه بما تعنيه
قالو تحبه قلت بالحيل واغليه =
وشلون ماحبه وهو داخل الروح=
دايم يجي فالبال ذكره وطاريه =
واتخيله فالدرب من وين ماروح=

صح بدنك طال عمرك وبيض الله وجهك

كل الشكر والتقدير لكرم التواجد في زاويتي المتواضعه

لك مني فائق الاحترام والتقدير

وفقك الرحمن لما فيه الخير والصلاح

سلمت ودمت

[عبرة وداع]

المشاركة الأصلية كتبت بواسطة سلطان ال شريد

أصعب على الانسان فـي نزعت الـرووح
تصوير حالي عقـب فرقـى ضنينـي

...


اللـه عليش جـزله وابيـآإت في قمه الرؤوؤوعـه لهآ مخزون شعري كثييف ..


لاهنتي يآجفلآإء على هذآ الابدآإع ..

وآإصلي

تحيآإتي

الروعه والجمال هو تشريفكم العطر في زاويتي

ولاهان قايلها ربي يرضى عليك

كل الشكر والتقدير لدعمكم وتشريفكم العطر

لك مني ارق واعذب تحيه وتقدير

معطره بالعود الازرق ودهن العود والمسك والكادي

وفقكم الرحمن لما فيه خير الدارين

سلمت ودمت