السلام عليكم ورحمة الله وبركاته
آول مشاركة لي وحصرية لمنتدى آل مره والعجمان
قصيدة موجهه من الشاعر الكبير / مانع بن شلحاط العجمي
إلى الشيخ / عامر بن سعد الرفاده مع التحية
ياقصيدي والقرايح بالشعر مزحومه=وجملة الأفواه بأصناف الحكي لجاجه
وأنت ياشعري تقلط خابرن بك هومه=ذب في عرش القصيد الصلف وألبس تاجه
أنتهض واليوم يومك يوم كل ويومه=ناصين بك من نصيت وعن لزومي ناجه
قل لعامر والله اني واحدن من قومه=بس للشاعر سواتي صيغه وديباجه
ياولد سعد اصغ لي في ساعتن محسومه=ذاخرك قد لي سنين وجيت لك في حاجه
جيت قبلك زامطن ضيع مقاس اهدومه=ثور هورم شفت خاله باركن ففأحجاجه
من عيال اشيوخ لكن فرخت به بومه=وكسرت هومه زعيمن يفتخر بأنتاجه
أتركه ياشيخ مايحمل عشان ألومه=ماوصل حد المذمه والصدود اعلاجه
ياابو سعد اصيح لك والصوت يبغا قومه=شبت ماجيتك وجيتك والرجال أمواجه
ياالرفاده صحت تكفا صيحتن مكتومه=من خجلها في تياه السكه المنعاجه
جاك ابن عمك وخلق الله أتغر أعلومه=بس عندك بان سره وأضحمل إحراجه
لاتذرني في قضاض القبه المهدومه=ولاأتعرضني شماته عالمن هراجه
زابنك ياسيدي رف به وخيط أثلومه=أنت ذخره مرجعه ترسانته وإسياجه
ياالفهيدي من عزاي ادياركم ماسومه=والفقير يسوق ذوده صوبها وإنعاجه
يستغيث لرعدك اللي يرتجف فأغيومه=وبعد ربه يرتجي لابروقك اللعاجه
إن عطا الله منك جدت بمدتن مقسومه=وان منعك الله فغيرك فالعرب فراجه
لكن اني مملن بك والرجل وأقدومه=ياالله انك لا اتخيب ظني ومنهاجه
شاعرك ياشيخ ماينصا ولد فطومه=وماأيلوذ بوجه رعون فالرجال أخداجه
أنت ملفن للزحول وتقتدي بأسلوبه=يارعا الله من صدى ذكره يضوح سراجه
والسلام وصيحتي لك عدها مفطومه=وأهماني لك فخر لو ماقضيت الحاجه
الكاتب / عبدالله بن غصاب الشمراني
20-03-2011, 01:13 AM
العرض الشجري