عتاب

[الفـارس]

السلام عليكم

وراك ما كلمتني يوم مريت...وابديت شي في ضميرك طويته
واظهرت لي يا كامل الوصف مااخفيت...سر خفي في حجاجك قريته
اضمرتهافي خاطري واستدليت...واللي غدا عن بال غيري لقيته
ارعاك وانت بعيد بالبر والبيت...واعلم بنية خاطرك لو كميته
وكلت بك قلب على خوتك ميت...يرخص على لاماك حيه وميته
وانا الذي في درب حبك تماديت... وذهبت عني مذهب ما هقيته
ان كان موتي في غرامك فياليت.. الذنب هو ذنبي وانا الي جنيته
كم حاجه حاولتها لين مليت.. اقوم عايف والغرض ماقضيته
الوم نفسي كل ما اصبحت وامسيت... باللي سلاعني وانا ما سليته
الى برق لي ساعة واسفهليت...رجا بوصله غاظني واشتكيته
سلط علي وشتت الفكر تشتيت... قاو على قتلي وانا ما قويته
يالله ياللي لك مع الناس صليت.. ماغيرك احد من عبادك رجيته
يسر لي اللي ما معه خذيت واعطيت..لو بالثمن يشرى لزوم شريته
هو مطلبي ما غيره احد ترجيت..ان غاب عن عيني بقلبي رعيته

وسلامتكم

[فيصل بن حجرف]

صح لسانك مليون اخوي الفارس
ولاهنت على القصيدة الرائعه
وننتظر جديدك اخي القدير

[الفـارس]

صح ابدنك يا ابو عبدالله وابشر بسعدك

[عـزام]

هو مطلبي ما غيره احد ترجيت=ان غاب عن عيني بقلبي رعيتـه

الله الله

دائما مبدع يالفارس

صح الله لسانك يالقرم

وتسلم يمناك لا عدمناك

[ابوتركى]

وراك ما كلمتني يوم مريت...وابديت شي فـي ضميـرك طويتـه
واظهرت لي يا كامل الوصف مااخفيت...سر خفي في حجاجك قريته
اضمرتهافي خاطري واستدليت...واللي غدا عن بال غيـري لقيتـه


ياعينى عليك الفارس

صح السانك على مابدعت به

[السنـــــافية]

الفارس

صح لسااااااانك

[الفـارس]

صحت ابدونكم يا الربع ولا هنتوا

[قبلةالعجمان]

صح لساااااانك ..

[الفـارس]

صح ابدنك اختي

[هند]

الفارس
صح لسانك ولاهنت على هالأبيات الجميلة


لك تقديري
السؤدد