وصيـــــــــــــــة خـــــــــــالد,,,,,,

[عزوف]

قصيده حزينه لشاب اسمه خالد يوصي صديقه الوحيد

ان يتزوج حبيبته...


********

وصاتي لك من بعدي .......... تمــــوت فيها عـلشاني

ابيها تعيش و تحيا بك ........ واظل بالذاكـره مفقــــود

وصاتي لك تنسيها ............ ملامح وجهي و تنساني

وتعزفها قصيدة حب ... .....على عكس اللي عزفته بعود

وصاتي لك تبعدها ............ عن اشــــــعاري وقيفـاني

تراها مغرمة بالحيل ......... ويشـــــهد لي عـدد الردود

وصاتي لك تسايرها ........ تـرى فيها من احــــــــزاني

طلبتك لايضيق بالك .......... طلبتك والطـلب مـــردود

وصاتي لك تناديها .......... حــياتي..عـــمري..ازماني

انا عودتها دايم .............. ادلـعها وانـــا موجــــــــود

وصاتي لك تعاملها ........ بطيبه قلــــب و احســـاني

تراها تذرف الدمعه .......... ودمعــــــتها بليٌا حـدود

وصاتي لك تحفظها ........ سـور وآيـــات قـــــــــرآني

وتخبرها عن الميت ........ رحـــــل لايمكنه بيعـــــود

وصاتي لك ترسمها ...... على قـــــبري وأكفــــــاني

ابيها لوحة تبقى ............ على طـــول الزمن محدود

وصاتي لك تمازحها ...... ...وتشــوف الضحكة بأسناني

سعيتك ياضحك هالكون ....... طـلبتك لاتصيــــر جلمود

وصاتي لك تـقـهويــها ........... من دلالــــي و فنجالــــي

تراها تعشق السمرا ........... ويكفيها دخون العــــود

وصاتي لك تركبها ........ ....على خيلي و على حصاني

وربي فارسة من قلب ........ شهادة ماهي لشــــــهود

وصاتي لك تسفرها .......... بلاد الشـــام و لبنـــــــاني

ترى يحلالها تقطف ورده ...... وردة من بلــــــد الــــــورود

وصاتي لك تحببها .......... فأبـــــو نـــورة بعد هــــــــاني

وتنسيها ندم غلـطة ........ انا فيــــــها ترى المقصــــــود

وصاتي لك تكرهها ........ في تاريخــــــي و عنــــــــواني

أبيها تلعن اللحظة .......... وتلــعن كل فــــرح موعـــــود

وصاتي لك تكلمها ........ عن المجــــني وعن الجـــــاني

وتخليني انا الظالم ........ وانا مــــن حرق الاخـــــــدود

وصاتي لك تشبهني ........ بـدم أحــــــــــمر قــــــاني

وانا هالقاتل السفاح ........ مجرم من عصــــر نمــــرود

وصاتي لك تحلفها .......... تتوب تحبـــــني ثانـــــــــي

ترى يكفيها ماعانت ........ ويكفــــــي حيــــلها مهدود

وصاتي لك تنسيها ........ وصــــــــية قالها لســــــاني

أنا اخبرك رجل موقف ........ وانت قـــــدها وقـــــــدود

صديقي مالقيت غيرك ........ يعـــرف وشلون تنساني

أمانه ضمها بقلبك ........... ترى خـــالد....رحل مايعود

[الوطن]

راااااائع
يـــــــــــــا
عزوووووف

[monamora]

وصاتـي لــك تحببـهـا .......... فـأبـو نــورة بـعـد هـانـي

وتنسيهـا نــدم غلـطـة ........ انــا فيـهـا تــرى المقـصـود

وصاتـي لــك تكرهـهـا ........ فــي تاريـخـي و عنـوانـي

أبيهـا تلعـن اللحظـة .......... وتلعـن كــل فــرح مـوعـود
صح السانج ومن كاتبها
عجيبه والله

[عزوف]

والله مدري بس هقوتي انه خــــــــالد .. خالد منو والله ماعرفه لاتسأليني

اسعدني مروركم حبيباتي

[gft]

عزوف
صح لسانك
اللي نقلها لنا
وصح الله لسان الشاعر
لن تكفيها كلمة رائعه فهي
بحق الروعه تنتمي لها وقليله
بحقها هذه الكلمه اجدتي الاختيار
ذائقه شعريه فريده من نوعها
اتحفتينا بهذه التحفه
الأكثر من رائعه
التي استمتعنا
بها وننتظر
منك مزيد
المشاركات
أعطر وأرق
تحياتي

[ال محفوظ العجمي]

تسلمين اختي عزووووف

الى الامام

تحياتي

سفير عجمان القصيم

[عزوف]

اسعدني مروركم

[كويتيه]

روووووعه ياعزوف.. كلمات واحساس رائع

بس والله كسر قلبي..

يعطيج العافيه يا الغاليه

[بنـدر العـواجـى]

مشكورة على القصيدة الرائعة


ولا هنتى واللة يرحمة كانة ميت


تقبلى تحياتى

[عزوف]

كويتيه سلامت قلبج يالغاليه


اميــــــــــــــــــن يا بندر



اسعدني مروركم اعزائي