|
راح العراق ....والفلووجه رااحت,,,قصيده مؤثره لمن كان له قلب
أعزاائي مشرفي واعضاء ((منتدى العجمان)) يسعدني ان اضع بين ايديكم هذه القصيده أمل ان تنال ولو جزء يسير من ذائقتكم......ولكم القصيده.
ياعرب راح العراق وراحت الفلوجه
______________________والله ان الدور ماشي والعرب لاحاجه
شرنا من بوش الاول والصغير وفوجه
_______________________كل ماقلنا يزين الوضع زاد إحراجه
المريكي في بلاد العرب مكثر دوجه
_______________________علت(ن)فالجسم تصعب طبته وعلاجه
انصخرنا بالتخاذل للغلط وعلوجه
_____________________كل مسلم صار عار ووقفته منعاجه
كل مسلم يسرج حزامه ويسرج غوجه
_______________________وكل هم نحمله عند العظيم افراجه
مايفيد المسلم علومه وكثر هروجه
______________________مامضى يكفي وباب الذل في مزلاجه
والله إنا مانشوف العز لين انبوجه
_______________________ولا نشوف النصر والاعصاب في ثلاجه
والله إنا علكت(ن) للتسليه معلوجه
______________________مالنا تأثير لو إنا العدد..وافواجه
والله إنا بالعدد نملى الخلا وفجوجه
_______________________مير ذا وقت(ن) دموع العين لنا زعاجه
دام هم اليعربي شعره وشكل الزوجه
________________________وأخر افلام التفاهه منتجه وإخراجه
وأخر اخبار الخلاوي والسبب بخروجه
_______________________كيف تاج العز والنوماس يحرم تاجه
كان واصلنا طريقتنا على هاالموجه
_______________________والله انه عيد بوش وفلت(ن) لحجاجه
#وسلامتك...
|