مهــــزلــــه ناصـــر القحطاني

[м8ąĐїṜ]

مــــــــــــــهـــــــــــزلـــــــــــــــــــــ ـه

تدرين يا حلوه متى العاشق يحس بمهزله؟=لا جاه شيٍ مثل شي قام يحداني حدي
ما اقسى من دموع اليتيم الا ذكر ضحكة هله=ولا يهد من الفراق الا الفراق السرمدي
يا الورده اللي في شرايين الحشا متغلغله=يا روحي اللي لو تبرت مني اختل جسدي
كونت لك عالم غرام ما دخله البلبله=الا هديرٍ ينتهي بين الظلوع ويبتدي
حتى اقرب اصحابي من اللوعه سهيت وقلتله=يا الاجودي كف العذل ما في العواذيل اجودي
انا اللي استاهل عناقيد العنب ي مدللّه=ليتك دريتي كيف عيني تذكرك في مرقدي
يدنا من الغيم ان تغطرس واطول من السنبله=يا اقرب كثير من الحكي وابعد شوي من الجدي
ان جيت رحتي مقفيه وان رحت جيتي مقبله ‍‍!=كم مت واليا قلتي احبك تجدد مولدي
دنياي انا لو تجتمع لذاتها في مكحله=والله مشهر لاي عينين غير عينك مرودي
يا ذابحتني كل شي الا الجفا متحمله=يا كبر كذبت عزتي لو قلت اب ابعد وابعدي
قلبي لو اغديتيه في الصحرا بليا بوصله=ما تاخذين الا وهو لاقصى ظلوعك مهتدي
وان خاب ظني واخر المشوار جا مثل اوله=بغمض عيوني وابحلم واقهر الحظ الردي
باحلامنا حتى آخر المريخ نقدر نوصله=الله لو نطلع بساط الريح وايديك في يدي
تخيلي روضٍ من اقصاه اجمل الورد احمله=واهديه ليدين وظفاير شيخة الورد الندي
تخيلي نهرٍ بلا احجارٍ تمثنى جدوله=نبقى على جاله جلوس شوي وشوي نعدي
تخيلي بيتٍ دفاه من المواجع والوله=ضحك وسواليف وسهر ومزوح وبساط احمدي
تخيلي عشقٍ عجزت استوعبه واتخيلّه!=كانه على هالحال ؟ ما عزالله ابشر بسعدي
يا سيدة عشقي وانا راعيه راعي الأوله=ما هي كثيره لو تقولين انت والله سيدي
ترى الله اللي حط لك ذاك الغلا والمنزله=والا الهوى لا ورث ابوي ولا ذخرته لولدي
حبيبتي ما يقهر الرجال في مستقبله=الا الهوى اللي مرةٍ يقبل ومرات يغدي
حتى الوفا لا زاد عند حده يعوّد مهزله=يا ليتني خنتك ولا اللي كان يحداني حدي

[عيد بن شدقان]

يا الورده اللي في شراييـن الحشـا متغلغلـه=يا روحي اللي لو تبرت منـي اختـل جسـدي
كونت لـك عالـم غـرام مـا دخلـه البلبلـه=الا هديـرٍ ينتهـي بيـن الظلـوع ويبـتـدي

الله الله الله
صح السان الشاعر/ناصر القحطاني


ولاهنت
ياحدد موقعك
واختيار رائع من شخص رائع
الله يعطيك العافيه

[м8ąĐїṜ]

ولانــــت

اخـــوي

عيـــد بن شدقـــان

وشكراً على مرورك الكريم والرائع هو تعليقكـــ

تقبــــل تحيتي

[حي^بقيق]

حدد موقعك
لاهنت ولكن للاسف قد سبق ان انزلت هذه القصيد من قبل
وهذا من اخطاء المشرفين
وانت ابدعت فب اختيارك

[فزاع]

حدد موقعك

ابداع متواصل ومعتاد منك

تحياتي لك

[فزاع]

حدد موقعك

ابداع متواصل ومعتاد منك

تحياتي لك

[فزاع]

حدد موقعك

ابداع متواصل ومعتاد منك

تحياتي لك

[CARLTON]

حدد موقعك
صح لسانك ولسان
ناصر القحطاني ولاهنت على االنقل



تحياتي,,,

[alaajm]

قصيدة رائعه لشاعر مبدع

سلمت يمينك على النقل أخي / حدد موقعك...

ويعطيك العافيه

[ناصر بن فالح]

صح لساانه ناصر القحطاني

ولاهنت عى النقل المتميز اخي

كل الشكر لك