الأول : تــامــرنــي بــشــي ؟ / الـثـانـي : ســلامــتــك !

سعود بن مهدي · #1 25-08-2006, 02:49 AM

صباح الخير

____

آمر .. فديتك لو عشانـي ! قـول : واطلـب ماتريـد=وان قلت لك : شلـي تبـي ؟ .. لاتقوللـي : سلامتـك

خلنـي احـس .. بلـذة العشـق ومعـانـاة الحـديـد=وارقى بسلـم نظرتـك ,,, وآآطيـح بأعلـى قامتـك

توني عرفت ! اني ( أحبك ) واني من غيـرك وحيـد=لاتلومنـي .. لاضقـت منـك والمشاعـر لامـتـك

القلب شجره .. لـو تهـز غصونهـا يـا شيـخ غيـد=كل الحمام يطير ! .. ما تبقـى سـوى * حمامتـك *

بيديك ,,وهج النـار ,, وبيدينـي ,,ذوبـان الجليـد=,,ابتلـت ايدينـا .. وصـار المـا يبـيـن بخامـتـك

انت الذهب بيديـك ! خلـى للذهـب .. سعـر ٍ جديـد=في معصمك .. ما تخسر اسواق الذهـب .. لاسامتـك

طعم الهوى : ماهو / بضمـة صـدر ولا مسكـة ايـد=طعمه : ليا ( دخت بنداك ) و ( ضعت فـي دوامتـك )

حتى الجمـاد ؟ ان فارقـك ! ينتابـه الحـزن الشديـد=تشتـاق لـك وسادتـك و تـحـن لــك بجامـتـك

وشلون اجل !! لاصار . كائن حي . واحساسـه زهيـد=بيموت مـن طفـرة غـلاك و مـن ضمـا فطامتـك

كنك ملك .. واحلا العذارى صـاروا بقصـرك عبيـد=واللـي يأكـد ! ((( امبراطوريـتـك ))) زعامـتـك

تقـول : كلماتـك ماهمتنـي وغزلـهـا .. مايـزيـد=وتضحك بوجهي .. وانت ضايق .. وادري انها هامتك!

الشامه اللي ! بين (وجنتـك / وثغـرك) تجيـب عيـد=لبـى الثغـر .. والوجنـه اللـي ميـزوا علامـتـك

تقول : منـا شامتـي ؟ .. ولا انـا مضيٌـع اكيـد !=واقول : .. لا يـا بعـد عمـري لا .. منـا شامتـك

تزعل علي وارضيك يا اغلى من سكن حبـل الوريـد=وانسـى ( همومـي ) كلهـا ! لا بانـت ابتسامـتـك

يامليُن القلـب القـوي ... ومخضُـع الـراس العنيـد=كلـك حـلا يازيـن .. مـن ماطـاك حتـى هامتـك

انا معـك روح وجسـد / وانتـا معـي قلـب ونشيـد=واللـي يمسُـك مسُـنـي .. وكرامـتـي كرامـتـك

ياللـي ؟ لعبـت بحسبـة الشٌعـار واسرفـت القصيـد=مـا زانـت حـروف القصيـد .. إلا علـى فخامتـك

لاشفت عينك !! والله اني ما احسـد راعـي الرصيـد=ولا اغبط ابن سعود فـي حكمـه .. لاشلـت لثامتـك

ناس ٍ معك كل يوم و تشوفك .. وانـا ؟ عنـك بعيـد=متى على الله ؟؟ .. تفطر بشوفـك عيـون ٍ صامتـك

معك !!! ياحظ ( اثنين ) واحسدهم على .. الحظ السعيد=ياحـظ ! سايقكـم مـعـاك وحظـهـا ! خدامـتـك

مايقدر احد ٍ ؟ ياخذك مني ,, يابـو الوصـف الفريـد=مدامـك بقلبـي ( هنـا ) وانــا بقلـبـي غامـتـك

تدري ؟ متى ! تخنقني العبـره واحـس أنـي وحيـد=لا قلـت : تامرنـي بشـي ؟ وقلـت لـي : سلامتـك

فيصل بن حجرف · #2 25-08-2006, 04:14 AM

السلام عليكم ورحمة الله وبركاته

صبحك الله بالنور والسرور

وصح لسانك شاعرنا القدير سعود بن مهدي على القصيده الرائعه والابيات الجزله كما تعودنا منك

ونتمنى انك ماتبخل علينا بجديدك

حــروف الحــب · #3 25-08-2006, 04:22 AM

تدري ؟ متى ! تخنقني العبـره واحـس أنـي وحيـد
لا قلت : تامرنـي بشـي ؟ وقلـت لـي : سلامتـك

صـــح الســانك يالشيــخ ،، وكمــــا عـــودتنـــا علي الابيـــات
الجـــزله والمبـــدعه ،، ونتظــر كـــل ماهـــو جــديــد مــنك ،،

اختك حروف الحب

ناصر بن حثلين · #4 25-08-2006, 06:54 AM

الشطر الثاني من البيت الاول اشوف انه غير لائق مع القصيده
مجرد راي ياسعود

عيد بن شدقان · #5 25-08-2006, 07:45 AM

سعود بن مهدي

قصيده رائعه من شاعر رائع

صح السانك واعتلاا شانك

ولاهنت

عبدالناصر آل عبدان · #6 25-08-2006, 06:06 PM

الشاعر سعود بن مهدي

صح الله لسانك يالغالي

ودعتك الله

الاحرش · #7 25-08-2006, 07:05 PM

صــــــح لســــانـــك

سعود بن مهدي على القصيده الرائعه والابيات الجزله

سعود بن مهدي · #8 27-08-2006, 06:06 AM

صح بدنك يافيصل

ولك كل الشكر

محمد المحلكم · #9 27-08-2006, 04:47 PM

صح لسانك

عديل الروح · #10 30-08-2006, 03:19 PM

تدري ؟ متى ! تخنقني العبـره واحـس أنـي وحيـد
لا قلت : تامرنـي بشـي ؟ وقلـت لـي : سلامتـك

الله الله
الله الله
الله الله
الله الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري