قصيدة لشاعر فواز بن عبدالله

[بنت الصناديد]

فالطير والمقناص لي شف=وانا مولع بالمقانيص عشاق
في خايع صب المطر فيه وارعف=لين اكتست ريضانه بخضر الاوراق
قامت بروق المزن فوقه تكاشف =تنثر حقوق الماء عقب كل براق
قفر من الدياج ولا فيه وقف =راع الحلال ولا بعد جاه طراق
مافيه كود الصيد رف على رف =اجوال زرقان المعارف والاعناق
لاشافها القناص بالعين يختف =قام يتسابق يمهن هو والاشراق
ودور مشاريف على الجو واشرف=وخبره بطيره مابعد قيل عتاق
يوم اعتلاهن يرفع الطير بالكف =عطب المضارب في الهدد طير وفاق
قام يتزاين ثم صغا الوجه وانضف=ثم انطلق سبقه على الجول ينساق
واعلق بخرب والحباري ترادف=في روضهن من خوف فراي الاشناق
سلمان مامثله على الطير يوصف=وافي لنظار الصقاقير سراق
اشقر غواطي نايف الطول واهدف=واليا نطحته كنه الشاش شواق
عريض في صدره طويل النوايف=تملا يدك فخذه قصير من الساق
بين المواطي يدخل الكف ماحف=ساقه ولا حجل علق فيه مسباق

[البادع]

الله لايهينك
اختي

بنت ملينت الحديد

كل الشكر لك على القصيده

[عيد بن شدقان]

بنت ملينت الحديد
تم تنسيق القصيده بعد اذنش
وتسلمين والله يعطيش العافيه
على ما نقلتي لنااا

اختيار رائع

ولكن ما علمتينا من هي له ذالقصيده


وشكراا

[سند]

بنت ملينت الحديد

صح الله ألسانش

وماقصرتي ياطيبه

تقبل تحياتي,,,

[فلاح بن ملبز]

السلام عليكم ورحمة الله وبركاته

بنت ملينت الحديد

صح لسانش ولسان قايلها

ويعطيش العافية على النقل الرائع

ولاهنتي

[عاشق المجاهيم]

السلام عليكم ورحمة الله وبركاته
بنت ملينت
صح السان الشاعر والله لايهينش