قصيدة أم في اولادها الذين هجروها وهي على فراش الموت......

[м8ąĐїṜ]

السلام عليكم ورحمة الله وبركاته

مساكم الله بالخير والرضا ...

كيفـــــــــــــــــــــكم

كانت فيه ام كبيرة بالسن منومة في المستشفى .. ولها سبع اولاد .....وكلهم متزوجين واتفقوا عيالها انهم

يتركونها بالمستشفى.......ودارت اول سنتين فمرها رجل صالح وكانت امرأة الرجل منومة بجانب غرفة الأم

ولاحظ (لكثرة زياراته على زوجته ) ان الأم لا أحد يزورها من اهلها ... (التكملة بالعامية) وجاب لها خدامة

وحطها عند الام علشان تخدمها وبعد مرور ثلاث سنوات كان فيه صحفي يشوف اوضاع المنومين بالمستشفى

وطل على غرفة الأم وابتسمت له ....... فاستغرب الصحفي وقرب منها وتغيرت بسمة الام الى حزن

فسألها وش فيك؟

وردت عليه بالقصيدة التالية.........

تكفين ياطيور أحرار افزعيلي *** عن ديار الاهل منك الاخبار
تكفين حومـي فوقهـم وارجعيلـي*****والاّ ان حصلك حومةٍ داخـل الـدار
تكفيـن حـول بيوتهـم دوريـلـي ***** سبعة فروخ ٍ يوم اخليهـم صغـار
شوفي ضنـاي عـودي وانكفيلـي *****وش علمهم ياعلهم طـول الاعمـار
قولي لهـم ان امكـم لـه عويلـي ***** خمسة اسنين دمعهـا دوم مـدرار
قولي لهم اني علـى طـول ليلـي ***** انوح واليا قـرب الصبـح انهـار
وقولـي عيونـه دايمـاً هميـلـي ***** تبكي لاشافـت مـن النـاس زوار
كل يوم اقول اغدي حديهـم يجيلـي ***** راحت اسنيـن مابهـم واحـدٍ زار
وانا اللي من سبته سـواة الحليلـي ***** حالي تـردّت كـل مالـه وينهـار
وفرقا ضناي اللـي تـردت بحيلـي ***** لكني على شوفتهم اصلى على نـار
ياويلـي كـان الله عجّـل رحيلـي ***** وانا لي سنين ابي لو هـي اخبـار
ياعونـة الله مـن يبـي يرتكيلـي ***** جارة على بأمر الولي كـل الاقـدار
تنكـروا مـن يدخلـون الدخيلـي ***** والا وسـط ديارهـم يأمـن الجـار
قولي لهـم ياطيـور قلبـي عليلـي ***** الله ياكافي.. قلوبهم صارت احجـار
وانا لي بـراق الخيـال استخيلـي ***** واقول ياعلّ ... الديـرة للأمطـار
تكفيـن وسـط ديارهـم صوتيلـي ***** شوفي عسى لإسمي مع الناس تذكار
قوليلـي مـن نسيانهـم يستحيلـي ***** ياللي نسيتوهـا تـرا الوقـت دوار
ياهيه ياللي بالسمـاء لـك هديلـي ***** ردي خبر تكفيـن يكفينـي امـرار
شوفـي ياكـل نـومٍ فـي شليلـي ***** من أذانه المغرب الى وقت الاسحار
شوفي ياكـل مهتنـي فـي مقيلـي ***** الاّ بمقيـلٍ معهـم كبـار وصغـار
وقولي لهم ان كان حملـي ثقيلـي ***** مرة يجون وعقبه شـيء ماصـار
والاّ يتـولانـي كـريـمٍ جليـلـي ***** ياعلني في جنتـه وسـط الابـرار

وهذهي القصيده حبيت انكم تطلعو عليها وتشوفون الام وحنان الام كيف اثناء رحيل
اولادها
القصيده منقوله

[عيد بن شدقان]

جزا الوالدين على الله



لاهنت يا حدد موقعك
والله يعطيك العافيه
على مانقلت لنااا




وينقل الموضوع الى منتدى قصه وقصيده


وشكراا

[مـحمـد]

السلام عليكم ورحمة الله وبركاته

حقيقة قصه محزنه كيف لهؤلاء العاقين السبعه ان يتركو امهم
وقصيده رائعه
الله لايهينك على نقل هذا الموضوع
.

[الباشا]

لا هنت اخوي حدد موقعك

على القصه والابيات الرائعه

[м8ąĐїṜ]

المشاركة الأصلية كتبت بواسطة عيد بن شدقان

جزا الوالدين على الله



لاهنت يا حدد موقعك
والله يعطيك العافيه
على مانقلت لنااا




وينقل الموضوع الى منتدى قصه وقصيده
وشكراا

ولانــــــــت

اخوي عيــــــد

وشاكر لك مرورك

[يـوران]

سبعه ولا واحد فيهم حن قلبه لها

شوفي ضنـاي عـودي وانكفيلـي=وش علمهم ياعلهم طـول الاعمـار

حسبي الله عليهم ،،،، خايفه عليهم تدعي لهم وهم مايستاهلون

الله ياخذهم مايعرفون معنى الام

مااقول الا الله يجعلنا من البارين بوالدينا والله يجزاهم الجنه

وتسلم على النقل يااخوي

[kigf]

جعل عوالها الفرقة
لاهنت ياحدد موقعك وزانت علومك

[الواصل]

حسبي الله عليهم ،،،

[м8ąĐїṜ]

المشاركة الأصلية كتبت بواسطة يـوران

سبعه ولا واحد فيهم حن قلبه لها

شوفي ضنـاي عـودي وانكفيلـي=وش علمهم ياعلهم طـول الاعمـار

حسبي الله عليهم ،،،، خايفه عليهم تدعي لهم وهم مايستاهلون

الله ياخذهم مايعرفون معنى الام

مااقول الا الله يجعلنا من البارين بوالدينا والله يجزاهم الجنه

وتسلم على النقل يااخوي

مشكـــــــــوره اختــــــي


..يـــوران..على المرور

تقبـــلي تحيـــتي

[м8ąĐїṜ]

قصــــــــوان ... الواصــــل

شــــاكر لكم مروركم الكريم

والله يجزاكم خيــــــــر

تقبلـــــوا تحيتــــي