اهداء لكم كلكم ....................
هاض الضمير وشاقني وستحبيت =ابدع بيوت الشعر وابني عمدهااااا
ومنه لجزلات المثايل تغنيت =عشان في بدع البيوت اعتمدهااااا
الشعر يالشاعر ولو به تفانيت =ينعاف دام المعرفه يفتقدهااااا
اشبح في مغز البيوت ان تغنيت = في قوافيها ولا في عمدهاااا
لو مابدعت امن المثايل سوا بيت =به فايده تنفع بها من وجدهاااا
اخير من كثر البيوت المفاليت =لا خير لا فيها ولا من قصدهاااا
واحذر تزل المعرفه الياتحاكيت =اقنص لزينات المعاني وصدهاااا
لا تجيب اعلوم ماقد تحريت =عنها ترى يلزم بها من جردهاااا
والبزر والكذاب لو خبروا كيت =اخبارهم حذراك تصغي لحدهاااا
لو جبت منهم شاهدن وستدليت =شهاته ماتعتبر لو شهدهاااا
ولا تعطي الهذار سرك لو عييت =ولا المره حتي لو انك ولدهاااا
لو تبدي اسرارك لهم جالها صيت =حتي الغريب اليا نشته سردهاااا
وفي طاري الغايب اذا يوم طريت =خل النفوس الغايبه في رغدهاااا
لا يصبح الغياب منك مباهيت =تاكل لحومن ميته في لحدهااااا
وان بانلك في غيرك العيب وابديت =عيبه تصيدلك عيوب ورصدهااا
تراك مثله لك عيوب ان تعاميت =عنها فغيرك شافها وان تقدهاااا
واياك عن ظلم العباد ان تبليت =نفسن ولا تجلب عليها نكدهاااا
تبلا بدعوة مسلمن له تجنيت =يدعابها في سجدته لو سجدهاااا
وان جاتك الزله وفيها تفاجيت =احلم ونفسك لا تخلي رشدهاااا
وان جالك المخطي بعذر وتغاضيت =جمالتن والنفس يجلا كمدهاااا
وان كرر الزلات ومنه تشقيت =او جاك بالزله خبيث وعمدهاااا
لقه ردود اتفتت الكبد تفتيت =ودبل بها وانطول الحكي زدهااااا
خلك عزيز ولا تجي الهلافيت =نسل الرخوم اللي رداها قردهااااا
ترى عدوك ينخذل لو تعاليت =وفعايلك تجلب لعينه رمدهااااااا
وعلى الطلاقه ثبت النفس تثبيت =بحبال عزن والمراجل وتدهاااا
خلك بطيبك تنذكر حي وميت =ومن يزرع امات الجمايل حصدهاااا
ودنياك دجها وحذرا تقول مليت =شرق وغرب دام لك ساق قدهاااا
دروسها في كل ديره منابيت =طفها وحاول قطفها وستفدهاااااا
وانص الرجال اهل التجارب لو ماقويت =تفهم صعيب الدرس واطلب مددهاااا
تلقابهم راي الهدا كل مشقيت =واهل التجارب تهتدي من نشدهااااا
والرجل مايملا يده قول ياليت =ومايدرك الغايات لو ماطردهاااا
غايتك لو هي في قلوب العفاريت =انزع قلوبها من جدهااااا
ومادام راسك حي خذ ماستلذيت =وروس الحبال يحلها من عقدهاااا
و خير في من بالمذله مناعيت =مات الذليل وليلته مارقدهااااا
الذل مابه منعتن يوم ذليت =مارد ساعات القدر عن وعدهااااا
ولا خير في جالهن وله زول خرتيت =همل المراجل زلها ماوردهاااا
متشاغلن عنها بشلت سرابيت =من شافها من خلق ربي نقدهااااا
وشاك ياوقت العنا يوم شنيت =حرب الضرورس ونادر اللي صمدهااا
حرب الجهاله طايشه لو تتقيت =لازم تنوشك بالمقادير يدهااااا
شفت الضحايا عقب يوم مريت =عقولها جسمي سليمن جسدهاااااا
عن سلم ابوها اللي بنا طيب الصيت =تبغا ملاذ انفوسها ياسعدهااااا
انت الوحيد اللي بغيت وتعليت =شاهد على صبر الرجال وجلدهااااا
وسلامتكم
اطقطق على قولتهم
العرض العادي
