بــدو الخويره .. ( الكندي + فتاه العرب )

[ركايز]

تصميم بسيط

.
.





.
.




قصيده الشاعر الكبير / أحمد بن علي الكندي المرر - رحمه الله - .. ومجاراة
فتاه العرب له ( عوشه بنت خليفه السويدي )

ويـن شدو بـدو لخويـره
لي عليهم نثنـي الجيـه
ليش ماهم بدلو غيـره
واخلفو ياخادم النيـه
عدهم عفيت مصاديره
والمنـازل مالهـا بيـه
وابعدوا به يالله الخيـره
راعي العين الذبوحيـه
خبروني وش عن الديره
لي سكنها بدو البنيـه
صوبهم في خاطري سيره
فوق جيبٍ يقطع الفيـه
في الورش مابدلو قيـره
ما تولـوه العليمـيـه
يطرب السواق في سيره
لي ضرب دارٍ خلاويـه

.. مجاراة فتاه العرب ..

يا فهيم في تعابيره
عن وداد صافي النيه
لا تخل النفس في حيره
تنشد الطرشان شفجيه
جان شدو بدو الخويره
عندنا خـود ٍ مداميه
يسكنووون بغربي الديره
في المطـاييح الشماليه
من جداهم نطرب السيره
بالشفاقه هوب جبريه
يملكون انفوس ٍ صغيره
والخواطر .. مرحبانيه
من خشوف اريام ٍ حذيره
لي عن القناص حذريه
الحسن فيهم تصاويره
لي به العشاق مغريه
المراتع في محاجيره
راعي العين الذبوحيه
حِصّ نقي من مغازيره
نافل ٍ عن حسنه وزيه
يعل يود السحب لمنيره
بالحيــا تهــل وسميه
قاعهم تصبح مغازيره
بالشطوط مسويه عيه
من عطا فضله وخيره
عم وأنعــامه الآهيه
والحيا تنبت مخاضيره
من زهور واشكال ورديه

وسلامت من قرا
خويتكم / طير الحباري

[محمد بن سعود]

طير الحباري

شكـرا علي النقل الطيب

والقصيده قريتها في كذا منتدي

لكن ماعرفت منهو صاحبها

وتسلمين ولاهنتي

[ركايز]

محمد بن سعود

العفووو يا خويه ..

ومن قال سالم .. ولا هان راسك

[м8ąĐїṜ]

الأخـت الفاضله/طير الحبارى

لاهنتي على المجاره والتصميم الجميل

ولاتحرمينا من جديدك الرائع

تحياتي

[الاحرش]

اللة اللة

صح لسان الشاعر/ احمد الكندي


ولاهنت

اخوي / طيرالحبارى


على النقل الرائع

[ركايز]

مهران

الاحرش

ما عليكم زوود .. ويعلكم سالمين ع ذي الخطفه الطيبه