قصيدة للشاعر ناصر آل شهوان الهاجري :::
ياسايق الفكسار تكفى على الهون
رديفك اللي خلف سيتك سباني
ياهييه لاتبعد ولي معك مظنون
انا اشهد ان طاري سفركم كواني
من يوم قررتوا ترى الحال محزون
والثانيه صارت فعيني زماني
أصبر واداري مابجوفي من طعون
وأشغلت فكري في حساب الثواني
وأداري الدمعه عن اللي يعذلون
وأخفي وجع فرقاك وآنا اعاني
مغير اقلب فالصور شبه مجنون
البعد جور وقل صلك صلاني
يالله تسمح كل درب يدوسون
يوم القدر بالحب معهم بلاني
يارب ياللي حول بيتك يطوفون
داعيك عبدك في خفاه وعلاني
يامنجي ٍ موسى وأفنيت فرعون
تحفظه يوم الشوق لجله شواني
وياعين مهما صار لازم يعودون
ليتك دريتي بالذي فالمحاني
كان استعرتي عيون معكم يهلون
وجفت محاجركم وضاق المكاني
ياكيف ابصبر والمشاعر لها ديون
على حبايب بعدهم ماهناني
ان غاب عني / تاه حرفي مع لحون
وان غبت عنه / حبه اللي دعاني
وان غاب عني / كن ماني على الكون
وان غبت لحظه / طيف زوله لفاني
وان غاب عني / بيح القلب مكنون
وان غبت عنه / هم جوفي طواني
وان غاب / ما فاالغيد ناس ٍ يساوون
نظره من عيون ٍ سحرها خذاني
وان غاب / مال الزهر عطر ٍ ولالون
ويجرح خفوقي دمع هل وعصاني
وإلى لفى / كل المشاعر يغنون
وتشرق شموس الفرح فالجوف ثاني
وختامها من جد / والله يامظنون
البعد جور / وقل وصلك صلاني
11-03-2007, 11:09 PM
[/img]
العرض العادي
