ll.. مـاكل من سولف عن الصين جاها ..ll

[مبارك بن مجروب]

السلام عليكم ورحمة الله وبركاته ,,,,

متواضعه من القلب للقلب على امل ان تحوز على رضاكم ....
وسامحونا عل القصور

في زحمة العالم .. مع دقة البوق=وقفت اناظر بالوجيه وغطاها
لقيت واحد منصبه حيل مرموق=ولقيت ناسن كل رجلن تطاها
الهم في قلبي ولاظن بيروق=مدام بعض الناس ذلت لحاها
البعض جاته فلوس ,, ثماً شرى نوق=يبي البداوه بس ماقد نصاها
ماكل من جمع عمارات مرزوق=ولاكل من سولف عن الصين جاها
البعض كوّن ثروته كثرة البوق=والبعض كسرة خبزته مالقاها
بعض العرب عايش ولاكنه مسحوق=والبعض الآخر كل يوم يتباها
احدن يعيش ويجهل الشوق والذوق=واحدن يموت ويذبحك صوت ((آهـاا))
ناسن تشيل القلب واتحط طابوق=وناسن من الرقه تزايد بكاها
وانا اجر ان حدني شوق ,, طاروق=على اساس يطيب دائي بدواها
والغيمه الي تحمل رعود وبروق=لمن رضت تسقيك من غيث ماها
ومدام جبنا طاري الشوق!! ياشوق=شوفي حنايا شاعرش وش بلاها؟؟
!!ماقول صوتي جرح آذان وحلوق=اقول تبكي صرختي من صداها!!
ياليت لجروح المعاطيب ,, مسحوق=وانداوي جروحن عجزنا نراها
الله يلعن طاري الحب والشوق=ويلعن ابو "حزة تلاقي" معاها
ماني على كثر العلاقات مطفوق=ولاني بموت ان عشت عمري بلاها
اتحب ,, واتوفي ,, وآخر الحب مخنوق=من ضيقتن يكبر بصدرك مداها
هذا سرق هذا ,, وبعد ذاك مسروق=عايش بلا خفاق يتبع خُطاها
ذي عادة العشاق عاشق ومعشوق=محدن يموت وغايته قد قضاها
خل عنّك العشاق ,, والحب ملحوق=واغنم حياتك من قبل منتهاها
الجنه ,, مثل الكنز في وسط صندوق=مفتاحه فروضك وكثرة دعاها
والدنيا ,, مثل الطوق في خصر ابو طوق=اما اتوازن ,, او بتفقد عطاها
ناسن تعيش وتركب الحوت واتسوق=وعلى كثر مدخولها .. ياغباها
وناسن تموت ومابعد طبّت السوق=لاكن طبايعها سبب في غناها
وناسن اذا بتآكل !! كلت بيض مسلوق !!=وناسن من البطره !! نست وش غداها !!
لاتحسب ان الفقر عيبن وممحوق=ياكم فقيرن عزته في شقاها
الفقر ,, ماهو ثوب باهت ومشقوق=الفقر فعقولن تزايد خطاها
ناسن تجي واتروح ,, من دون منطوق=وناسن تزيد عيوبها من حكاها
مثل الذي يطلب ولاعنده ,, حقوق ,,=يبي يكحلها ولاكن عماها
يعني تجي اسفل ؟؟ ولا تجي فوق؟؟=وفلوسها اتحدد لها مستواها
هذي هي الدنيا متاهات وطروق=والفايزز الي رفعته مانساها
ياكم رفيقن تحسبه خير مخلوق=ونفسه تبيّن عكس ماهو خفاها
هذا ويكرم شاربي رفقة العوق=ناسن تجي بفلوس .. لا مانباها
تبين نصيحه ؟؟ ركّز ,, وجوّد ,, وذوق=لان النصايح نفعها في حلاها
..اذا تبي اتخاوي ؟؟ خاوا آلاد مرزوق=قومن على الشدات واضح جداها..

وسلامتكم // مـبـاركـ المـجـروب

[سالم الرتيبان]

حجز ولي عوده

[الجلمود]

حجز1




اخي مبارك

مروري على عجاله ولي عوده انشالله

[سالم الرتيبان]

جزل يامبارك وياسلام عليك صح لسانك وعتلى شانك

[عــقــيــد]

ابو فلاح
أثرك سباااح من الطراز الأول

الفقر ,, ماهو ثـوب باهـت ومشقـوق=الفـقـر فعقـولـن تـزايـد خطـاهـا

ياسلام
صح لسااانك مليوون طال عمرك


أخيكـ

[خالد بن رمثان]

صح لسانك يا بن مجروب

ولاهنت على ذالجزله

وتقبل مروري...

[احمد بن جوفآن]

الشاعر المبدع : مبارك المجروب

..


صح لسانك مليون يقفا مليون


عزالله وفيت وكفيت وكفو يابن مجروب ..

لاهنت على ذالجزله وصح لسانك مره ثانيه

ولي عوده لقرائة هالجزله مره ثانيه

[^ الربع _ الخالي ^]

مشكور على هالقصيده الرائعه وبنتظار جديدك

[صـــبـــــــــا]

ابياااااااااااات ماشاء الله عليك قمه في الرووعه

صح لسانك يالشاعر واعتلاا شانك ...

تقبل مروري أخوي مبارك ...

[الوضحه]

الجنه ,, مثل الكنز في وسـط صنـدوق
مفتاحـه فروضـك وكـثـرة دعـاهـا
والدنيا ,, مثل الطوق في خصر ابو طوق
امـا اتـوازن ,, او بتفـقـد عطـاهـا
ناسن تعيش وتركـب الحـوت واتسـوق
وعلـى كثـر مدخولـهـا .. ياغبـاهـا
وناسن تمـوت ومابعـد طبّـت السـوق
لاكـن طبايعهـا سبـب فـي غنـاهـا
وناسن اذا بتآكل !! كلت بيض مسلوق !!
وناسن من البطره !! نست وش غداها !!
لاتحسـب ان الفقـر عيبـن وممحـوق
ياكـم فقيـرن عزتـه فــي شقـاهـا
الفقر ,, ماهو ثـوب باهـت ومشقـوق
الفـقـر فعقـولـن تـزايـد خطـاهـا
ناسن تجي واتروح ,, من دون منطـوق
وناسـن تزيـد عيوبهـا مـن حكـاهـا
:
:
:

ابداع وقمه واخلاق وتربية طيبه ماشاء الله تبارك الله

ابدعت والله ابدعت يابن المجاريب

صح عقلك وصح خلقك وصح لسانك يابن الاد مرزوووق والنعم مليون

كفو والله كفو
لاهنت