( ياهلي )

[شادن]

السلام على من اتبع الهدى


طبعا انا مادري القصيده او القصه المطلوبه لازم تكون من خلال شخص ثاني

بس بما ان الموضوع يتعلق بالقصص والقصايد انا بقولكم قصه حدثت معي

شخصيا وعلى فكره اذا مكان موضوعي ماهو بمكانه عادي سوله حذف

المهم هذي قصه محزنه حدثت معي ايام الدراسه عندما فقدت اعز صديقه

عندي طبعا كان هذا الكلام باخر يوم بالامتحانات وكنا كلنا ناجحين ومبسوطين ا

المهم بنهاية الدوام طلعنا وركبنا الباص وكل واحد يروح بيته وطبعا هي كانت

اول وحده تنزل من الباص لان بيتهم كان قريب من المدرسه

المهم وقف الباص عند بيتهم علشان تنزل واثناء نزولها تعلقت عبايتها بالباب

حق الباص طبعا هو ماكان منتبه وسكر ومشى والبنت كانت تصوت له عشان

يفتح الباب لاكن لا حياة لمن تنادي فصار يسحب فيها ودعس عليها

وربي كفر الباص ارتفع فينا لانه كان واطي على راسها تخيلو قدام بيتهم بامتار

بسيطه موقف عمري ماراح انساه والش الي قدرت اعبر فيه عنها كتبت فيها

هذه الكلمات البسيطه اتمنى تعجبكم )


ياهلي شوفو وش الي جرالي = من عقب فرقا اعز انسانه بالكون

والله مايوم سلى عنها بالي =ياهلي بالله كيف تسلون

فارق احضاني حبيبي الغالي = وتركني بعده وحيد ومسجون

ياخساره ضاعت احلى الليالي= وكل شي ضاع في كل هالكون

ياشقا عمري وشقا حالي = من يعوضني عن ضي العيون

لا بنت عمي ولا بنت خالي = مايجو ن مثلها مهما يسوون

ياهلي دمعي بالخد سالي=ياكيف انساها قولولي وشلون

ياليتها حيه بهالدنيا بدالي =وانا الذي بقبرها ميت ومدفون

ماحد غيرها قلبه صفالي = ماحد غيرها قلبه حنون

واطلب من الله عظيم الجلالي= يرحم عزيز بالقبر مدفون

ولكم تحياتي

[شادن]

اتمنى من مشرف هذا الديوان ان يقوم بحذف المشاركه

لانها ماجت بالشكل المطلوب شااااااااااااااااااادن

[ابوتركى]

شادن صح السانك ورحم الله موتانا


قصيده جدا مؤثره وحزينه وتنم عن احساس مرهف


شادن تحياتى لك ولاتحرمينا من هذا التميز

[سلطانه]

وربي ابكيتيني الله يسامحك ياشادن
انا بعد فقدت اعز صاحباتي ايام الدراسه ولليوم ماني
قادره انساها او يخف حزني عليها انتي قدرتي تكتبين
شوي من اللي بقلبك لكن انا للحين حابسته بصدري..........تسلم يمينك يالغاليه وصح لسانك..

تقبلي تحياتي اختك سلطانه

[شادن]

اشكركم جميعا على هذا المرور

وانا اسفه اذا كنت بكتابتي هذي حزنت حد لاكن وربي اذا صرت تعز شخص

تتمنى انك تثبت حبك له لكل الناس حتى لو بالشي البسيط

وبالنسبه يابو تركي للمشاركه انا اقصد لان بعض اجزاء القصيده موباين

وعلى طريا الوزن انا طبعا هاويه للشعر واحب اعطي احساسي

واذا بنطلع على الاوزان كل القصايد الي اكتبها فيها بعض العيوب

لاكن هذا مايمنع اني اشارك لو بالقليل اشكركم من كل قلبي

[ابوتركى]

الاخت شادن -------- القصيده واضحه ولاتحتاج حذف


ويعطيك العافيه واتمنى ان تشاركينا بما هو جديد


تحياتى لك