¸.•°®»الحكــيم بصمت يتراجع«®°•.¸

[أمير الطنايا]

هذه التحفه الراا اا اائعه للشاعر: عبدالله الحسيني
¸.•°°•.¸
°•.¸¸.•°
¸.•°°•.¸
«®°•.¸¸.•°°•.¸.•°®»«®°•.¸.•°°•.¸¸.•°®»
ويبقى للخيانة أثر في دفتر الحياة أثر لا يندثر مداهّ!
«®°•.¸¸.•°°•.¸.•°®»«®°•.¸.•°°•.¸¸.•°®»
°•.¸¸.•°
¸.•°°•.¸
°•.¸¸.•°
دخيلك لا تقولي ارجع ترى اللي فيني يكفيني
كفاية أنّك على جرحي أبد مـا يردعـك رادع

كفاية أنّـك تركتينـي وليـل الهـمّ طاوينـي
أسامر ليلتي الظلما وحيد(ن) تايه(ن) ضايـع

كفاية اللي حصل منك من سمومك جرعتينـي
أقاسي لوعة الغربة ومالي فالهـوى شافـع

جرعت المرّ م كفوفك وليـل الهـمّ يشقينـي
جروحي تنسج أكفاني وقلبي للشقـا خاضـع

أداري ما بقى مني ونزف الجـرح يدمينـي
وأثأري اللي بقت جثّه تجسّد قسـوة الواقـع

هقيت الكلّ يبخسنـي ولا ترجـح موازينـي
ولا ضنّيت في لحظة تكوني لعشرتـي بايـع

حسافة ماهقيت أنّـك بعـد ضحكـي تبكّينـي
حسبت أنك على هجري أبد ما يدفعك دافـع

سحبتي السيف من غمده على غفله طعنتيني
تركتيني نزيف طعون من ضيم الشقـا شابـع

تجرّأتي على جرحي ومـن حقّـي بخستينـي
لعبتي في هوى قلبي لبستي ثوبـك الطّامـع

وكيف أصبر على جرح(ن) يتيّهني عناوينـي
يكسّر مركب أحلامي ويذوي نجمـي اللامـع

تظنّي العذر في حبّك عـن ذنوبـك ينسّينـي
حشا والله ماهو قلبي الذي لا انخان يتراجـع

كبرتي بعين عذّالي وطعنتي الكبريـاء فينـي
نحيتي عن هوى قلبي وتبعتي فالهوى خـادع

على شاطي الألم في ضفة جروحي تركتينـي
كسيح معلّق بضعفي لاأنا بضار(ن) ولا نافـع

تناسيتي هوى قلب(ن) رويته مـن شرايينـي
وأنا دونك خفضت الكلّ ولأجلك كل شي رافع

سقيتك من عذب فيضي ومن روحي ورياحيني
عطيتك كل مافيني وأنـا لـك بالوفـا قانـع

رقينـا فـي سمـا الدّنيـا وكفّينـك بكفٍّينـي
أنا وأنتي وذاك الحب ثلاثة مـا لنـا رابـع

غريبة ما هقيت أنّك تخوني و تنكري زينـي
ومن ينكر شعاع الشمس نوره بالفضا ساطع

حسبتك لو قسى وقتي وضاقت بي ميادينـي
تكوني للأمل بسمة تنسّينـي صـدى الواقـع

حسبتك بعد جرحك لي تردّي لـي وتنادينـي
بس أدري أن الأمل مفقود، لا من للندا سامع

غريبة من عشق يجرح ومن أغليتـه يبلينـي
يحسب أنّ الهوى سلعة أحد شاري وأحد بايع

حقيقة دوّت بسمعي وتخطّت مسمـع أذنينـي
نعيش فدنيا ماترحم ،زمان(ن) قل به الـوازع

مصير الحي يتلاقى ومصيـرك يـوم تلقينـي
مصير الطير فالدّنيا يحطّ من الفضا الواسـع

أنا راحل مع جروحي وبحفر قبـري بيدينـي
زمان الغدر علّمني (الحكيم بصمت يتراجـع)
¸.•°°•.¸
°•.¸¸.•°
¸.•°°•.¸
«®°•.¸¸.•°°•.¸.•°®»«®°•.¸.•°°•.¸¸.•°®»
أخوكم
أمير الطنايا
«®°•.¸¸.•°°•.¸.•°®»«®°•.¸.•°°•.¸¸.•°®»
°•.¸¸.•°
¸.•°°•.¸
°•.¸¸.•°

[PowerShot]

أنا راحل مع جروحي وبحفر قبـري بيدينـي ,, زمان الغدر علّمني (الحكيم بصمت يتراجـع)

يعطيك العافيه اخوي امير الطنايا ..
وصح لسانك ولسان شاعرها عبدالله الحسيني ..







كـــويتيه

[محمد المجول]

الله الله

صح لسان شاعرها

ولاهنت ياأمير الطنايا على النقل المتميز

تقبل تحياتي

[الخيال الحر]

دخيلك لا تقولي ارجع ترى اللي فيني يكفيني
كفاية أنّك على جرحي أبد مـا يردعـك رادع

كفاية أنّـك تركتينـي وليـل الهـمّ طاوينـي
أسامر ليلتي الظلما وحيد(ن) تايه(ن) ضايـع

كفاية اللي حصل منك من سمومك جرعتينـي
أقاسي لوعة الغربة ومالي فالهـوى شافـع

جرعت المرّ م كفوفك وليـل الهـمّ يشقينـي
جروحي تنسج أكفاني وقلبي للشقـا خاضـع

صح الله السانك على ها القصيده الطيبه وصح الله السان من كتبه ومن نقل القصيده

[وردة العجمـان]

صح السانك والسان الشاعر عبدالله الحسيني

ولاهنت عالنقل المميز

[فارس شمر]

صح الله السانك يا امير الطنايا والسان شاعرها


ولااهنت عالنقل المميز



تحياتي