السلام عليكم ورحمة الله وبركاته
هذي اول قصيدة اضعها بين ايديكم اتمنى ان تنال على ولو بعضا من اعجابكم وانا اتقبل النقد بكل رحابة صدر واحب استفيد من اهل الخبره ولا اسغني من نصيحه في وزن او قاف او معنا لاني مبتدئي جديد بس ياحبذااا يكون النقد برساله فالخاص
التقينـا صدفـه وقالـت تعـال
ودي اخذ من ذهب وقتـك قليـل
ودي اسـأل دام مفتـوح المجـال
ليه لونك شاحب وجسمك نحيـل
ليه في وجهـك يبيـن الانفعـال
كل مانعزف على كلمـة رحيـل
ليه ذهنك شـارد ببحـر الخيـال
مستحيل القاك حاضـر مستحيـل
ودي اسأل فيه فرصه او محـال
افهمك ياصاحـب القلـب العليـل
صمتك الغامض كتب عنك مقـال
والسكوت احيان يفضـح بالدليـل
في عيونك شفـت شـي مايقـال
لوعة اللـي ذاق نكـران الجميـل
ودي احكي عن شموخك للجبـال
ودي اشرح عن سمـوك للنخيـل
انت عاشق بس عاشـق استقـال
يوم شاف الصد عنـوان الخليـل
بس عطني فرصة اشرع بالجدال
لانقض اسرارك مثل نقض الجديل
النقاش اليا احتدم يابـن الحـلال
ضاعت علومك وضيعت الدليـل
ابتسمت وقلت هـذا مـو سـؤال
شرحي الدعوى يبي وقت طويـل
معانق حزن
23-08-2007, 11:16 AM
(( اول مشاركه من الارشيف ))
العرض العادي
