ياوجد حالي وجد شيخٍ لا حلال ولا عيال

[مناحي الصميل]

ابيات كيبورديّه سريعه

.
.
.
.

فوق الزبر جالس لحالي وأتفكّر بالهلال = والدمع في محجر عيوني عالق وما سالته
ياوجد حالي وجد شيخٍ لا حلال ولا عيال = وقت الشدايد ما لقى منهو يقضّي حاجته
تلعب به الدنيا مشاكل .. من جنوب ومن شمال = حتى الرّكب من زود همّه مالت وما شالته
وفوق ذا كلّه تمسّك بالعقيده والحلال = وما شيّ يقدر يشغله ويصدّ عنه طاعته
مير المصايب والمشاكل ثقلها ثقل الجبال = ويا كم واحد من بني آدم يدوّر راحته
دنيا ( دنيّه ) بالنهايه تجري ابمجرى الزوال = وكل منهو عايشٍ فيها تقدّم ساعته
في يوم لا ينفع حلال ولا عمام ولا خوال = ما ينفعك كود العمل اللي يمينك جابته
دنيا مليّه بالعِبر كل يوم تعطي لك مثال = يا كم رجّالٍ شنب احوالها قد هابته
لا تحسب الدنيا مديده لا ولله الكمال = ياكم رجّالٍ يظن انها كذا ثم خانته

وسلامتكم

مناحي بن فهاد الصميل

[فلاح بن ملبز]

حجز اول

[مناحي الصميل]

المشاركة الأصلية كتبت بواسطة فلاح بن ملبز

حجز اول

ارحب يابو محمد


حجزك اوكي مع الشرف طال عمرك

[حضريه عمها بدوي]

صح الله لسانك

تسلم

[مناحي الصميل]

المشاركة الأصلية كتبت بواسطة حضريه عمها بدوي

صح الله لسانك

تسلم

صح الله بدنش


لا هنتي على مرورش الكريم

[سالم الرتيبان]

صح لسانك يابو فهاد
تقبل تحياتي
اخيك سالم الرتيبان

[مناحي الصميل]

المشاركة الأصلية كتبت بواسطة سالم الرتيبان

صح لسانك يابو فهاد
تقبل تحياتي
اخيك سالم الرتيبان

ارحب يابو عيد


صح الله بدنك طال عمرك


ولا هنت على مرورك الكريم

[(هاوي قصيد)]

ياحرام

في يوم لا ينفع حـلال ولا عمـام ولا خـوال .. ما ينفعك كـود العمـل اللـي يمينـك جابتـه

دنيا مليّه بالعِبر كل يـوم تعطـي لـك مثـال .. يا كـم رجّـالٍ شنـب احوالهـا قـد هابتـه

صحيح

صح الله لسانك ولاهنت , جزله من راس جزل يابوفهاد

تقبل مروري

[مناحي الصميل]

المشاركة الأصلية كتبت بواسطة الــهـــاجـري

ياحرام

في يوم لا ينفع حـلال ولا عمـام ولا خـوال .. ما ينفعك كـود العمـل اللـي يمينـك جابتـه

دنيا مليّه بالعِبر كل يـوم تعطـي لـك مثـال .. يا كـم رجّـالٍ شنـب احوالهـا قـد هابتـه

صحيح

صح الله لسانك ولاهنت , جزله من راس جزل يابوفهاد

تقبل مروري

ارحب يالهاجري

صح الله بدنك طال عمرك

ومرورك هو الجزل

ولا هنت

[ناصر بن كروز]

الشاعر الكبير مناحي الصميل صباح الخير


قصيده حلوه واللي يجي منك حلو انا توقعتك حولي في السن لكن قالو توه صغير في العمر



لكن كبير في تعاملك ومشاعرك وانسانيتك ماشالله تبارك الله قصيده محسوبه ولكن اتمنى الاستمرار


في النشر والقراء في الموسوعات الثقافيه لاجل الاستفاده وصقل موهبتك وبعدين لاتزعل ابد من النقد


الهادف وليس الحاقد لانه يا عزيزي هو الضوء الذي ينير لك الدروب المضلمه انطلق واستمر وانا


متفائل بان راح تكتب مالا يكتبه الاخرون شاعر ورجل ومؤدب



اخوك الكبير

ناصربن كروز