مشاركه ثالثه وعسى ان تنال استحسانكم
.
.
.
ياصغيـر السـن مالـك داعــي=بيـن وقفـت ناظـرك وارمـاشـه
شفـت بلسـم علّتـي واوجاعـي=والـغـلا والنـيّـه الغـشـاشـه
كل هذا منك!!.. وانـت بتاعـي!!=كيف لـو بينـي وبينـك باشـه؟؟!!
ياصغيـر السـن خلّـك واعــي=مـادرى المقبـور عـن نبّـاشـه
ميّـت فـي حبكـم ..ياوراعـي!!=لا يغـرك سكـبـة الدشـداشـه!!
برمجـة فكـري وكـل أوضاعـي=مـن بعدكـم جـى لهـا وشواشـه
وانت لا واعي!! .. ولا انته ناعي!!=والرهـاوي مـا تبـرّد جـاشـه!!
قـصـة المتـبـوع والتـبّـاعـي=ما بقـى الا تنعـرض فالشاشـه!!
يابعـد روحـي ..ياكـل اطماعـي=يابيـاضٍ مـا علـيـه غبـاشـه
في وصوفـك تطـرب الأسماعـي=غير عن هيفـا... وغيـر قماشـه
يوم أشوفـك والعيـون اوساعـي=مـن حورهـا كنهـا حشـاشـه!!
والردايـف فوقـهـا الأضـلاعـي=كنهـا عـن بعضـهـا منحـاشـه
ليـن بيّـن خصـرك المريـاعـي=خصـر ظبـيٍ مـاوراه عـراشـه
والشهد مـن مبسمـك مرضاعـي=طـبّ قلـب حبيـبّـك وأنعـاشـه
من شـرى مـن حبكـم ماباعـي=لو يشيـل إلـه الوليـد خياشـه!!
لو يجيب المـاس أغـلا أنواعـي=يرجـع الخيّـاش مـع مطـراشـه
ياصغيّـر والله انــي راعــي!!!=راعــي المشـاعـر الجيّـاشـه
هـات قلبـك واوودعـه موداعـي=جوف صـدري مشلحـه وفراشـه
.
.
.
الرهــــــــــــــــــاوي
03-05-2007, 12:49 AM
من حورها كنّها حشاشه؟؟!!!
العرض العادي
