تعال وقع حضور بدفتر غيابي//مل الصبر من غيابك كيف ما ملّه

[عبدالناصر آل عبدان]

أحبائي زوار وأعضاء العجمان
متواضعه للتواصل

تعال وقع حضور بدفتر غيابي=مل الصبر من غيابك كيف ما ملّه
يا اصعب متاهات عمري وآخر احبابي=وأول مشاوير عشقن سابقن ظـلّه
اثقل ضيوفي غيابك واقف ابابي=ماودي يقلط وانا مانيب طرب لّه
اصد عن شوفته واسكر اهدابي=ولا التفت له ابي فرقاه وازلّه
ماكنت متوقع ولاحاسب احسابي=اني اذوق الفراق بدقه وجلّه
لاوالله الاّ فقدتك والنظر شابي=والسمع فاقد هواك وفاقد الخلّه
ان كان ببقى على الاطلال منصابي=واعيش ذكراك فالعله هي العلّه
حتى قصيدي دموعه أروت ترابي=والساقي أزهر حزن من قهره وغلّه
ولا جنيت وحصدت كروم واعنابي=الشوك في مرقدي والدرب مادلّه
ضاعت رجاوي الأمل من فاس حطابي=يدفا بموت الشجر والبرد محتلّه
نكذب على الوقت لو ان الرجا خابي=اكذوبه نعيشها ونغيـّـر الملّه
ولا انت ياشوق قلبي واول احبابي=ان جيت وان غبت كل القلب لك كلّه

شعر/ عبدالناصر آل عبدان