~~ اعشق سميك في البزارين وادعيه ~~

[كحيـــــــلان]

ماهو بكفو الوقت حبك يمحيّه=ياللي تخاف صروف الايام تمحاه
ارتاح ..مادام المواصل يقوّيه=انت انت..وانا انا..وقلبي هو اياه
حتى ولو بتغيب ذكراك تكفيه=ياواحدٍ تكفي عن الناس ذكراه
حبك على رملة خفوقي مواطيه=ورياح عذلني عنك ما تمسح خطاه
واللي يعذل القلب عن درب غاليه=الله بما يبلا المواليف يبلاه
اخفيه يابالفيت والحال يبديه=ادناة واحد ينظر الحال يقراه
مخفيه فيه ومعتني ٍ به وحاميه=من كل عين ٍ ودها تنزل حماه
قلب ٍ يحبك والهوى الذرب ماليه=كانك مكذبني ؟؟ بعينك تحلاه
شرط ٍ تشوفك فيه منت بحواليه=ويمكن تشوف ديار واماكن ارعاه
وبتشوف به تمثال والوقت هاريه=وبتشوف زرع ٍ ميت وواقفٍ ماه
وبتشوف جرح ٍ فيه سكين راعيه=راح ونسى السكين والجرح ينخاه
وبتشوف حصن ٍ عج الاقدار سافيه=وبتشوف باقي بيت راعيه خلاه
لا تنزعج هذا خفوقي وباقيه=ولا تضايق من تصدع زواياه
قد زلزله فرقا وهزت عراويه=والله ستر والحظ عانه وعافاه
وكانه صلح لك واعجبك زيد تبنيه=ابنه وجهز للمقابيل مبناه
ابغيك بس من المفارق تداريه=وازهل من يداري شعورك ويدراه
وحلل وحرم فيه يابرك بلاويه=وحلّه وراع رضاي ورضاك ورضاه
جعلك بعد بعض الوجيه ... امحق وجيه=ناس ٍ مراتعها الرفيق بتقفاه
انواع واخطر نوع ماني بناسيه=نوع ٍ على تفريق الاثنين مسعاه
تلقاه دوم وكل يوم ٍ تلاقيه=والى بغيته صدق ما عاد تلقاه
ولا انت ردك كل ما ادعيك.. (( لــبــيــه))=انشهد ان منتوا بفيعيني اشباه
منت بمع العالم ولا تقول لي.. ليه\\\\\\\انت ادرى مني وش جوابي وفحواه
كذيه... ومن الله يازين واليه=واغلا طروش القلب ودواه من داه
الحلم ياتيني بزولك واراعيه=وفي كل حلم اقوم قبل اتحفاه
اعشق سميك في البزارين وادعيه=واقبل خطاه الى اخطا واتلقاه
واسمك يروعني الى مر طاريه=واحب ملقوف ٍ يسولف وطراه
وامر بيتك من بعيد ٍ ولا اجيه=وانا لونه في يدي ما اتعداه
حتى (تواير) (موتري) تلتفت فيه=تبغي تلف ويستحي العقل والجاه
وصلك يخيط الصدر والبعد يفريه=ويابري حالي كان صديت برياه
ويلي على ادري حبنا ويش تاليه=وويلي على ادري وش ورى الغيب ويلاه
عشان اشوف اذا محبتك ..ترفيه=والله لا اقفي عنّك....... استغفر الله

مـٌُـُن آروع مـآ رآآآق لــًُــي ..’






الشاعر\\محمد بن فطيس

[دايم اهذريبكـ]

صح لسانك ولسان بن فطيس
ولاهنت على النقل المتميز

[&عآتبوهاآا&]

اعشق سميك فـي البزاريـن وادعيـه
واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
ــــــــــــــــــــــــــــــــــــــــــــــــــ ـــــــــ
صح لسان شاعرها ويد الي ناقلها


تحياتي :
&عآتبوهاآا&

[رجـم بـذال]

قـد زلزلـه فرقـا وهـزت عراويـه
والله ستـر والحـظ عانـه وعـافـاه
وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه



ابن فطيس كعادته متألق

ولاهنت ياكحيلان على القصيده الراقيه

[تركي الميموني]

صح لسان شاعـــ 1000000 ــــر


وطاب منقولك كحيلان

قصيده مميزه أبدعت وبأنتظار

المزيد من روائع قلمك

تحياتي لك

[آلغرور]

قــّـد زلزلـه فـرقــّـآ وهـّــزت عـّـرآويــه

وآللّـه ستـّـر وآلحـّـظ عـآنــه وعــافــّـآه

صـّـح لسـّـآن بـّـن فطيـّـس

ولآهنــّـت عآلنقــّـل يعطيــّـك آلعـّـآفيـه

تقبــّـل مـّـروري

,,,,,,,,,,,,,,,,,,,,,,,,,,,,,,

[يامى والفكر سامى]

لاهنت على النقل قسم بالله انى ادخل جوووووو ثانى مع الشاعر ذا احس انه يقرأ ام الفكار حقتى

["..عـَـذْبـًة الأطْـبـَآآآآع.."]

السلام عليكم ورحمة الله وبركاته

لاهنت اخوي " كحيـــــــــــــــلان" مآرآق لك ,,, رآق لنــآ بالتأكيــد ..


صح لسآن " ابن فطيس" شآعر مآفيه حيلــه/



واهنيك على ذآئقتك المميزهـ ..





:






احترامي ..

[موادعك خيره..!]

بن فطيس في كل حالاته رائع

[هويت غلطاتك]

لاهنت على الموضوع