سكة لذكرى الحزينة

[محارب يام]

مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه

قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس هـ..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقـدت الحلم في لمسة يديـنه؟!

مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!

وين ابنسى؟!..وأنت طيفك(صاحبي مأدري عدوي)
مارضي يترك لغيره شـبر واحد في المديـــنه...!





للشاعر:فهد المساعد

دمتم بود................

[**عافكـ الخاطر**]

لاهنت يا محارب على النق


وصح الله لسان الشاعرفهد المساعد

[تركي الميموني]

صح لسان شاعرها

قصيده مؤثره

طاب نقلك محارب وماهي غريبه

عليك دوم مميز بروائعك الشعريه

تقبل مروري وخالص تحياتي

[مـحـسـن]

صح لسان الشاعر وبيض الله وجهه على هذي القصيدة...........

[مطنوخ خلقه]

لا هنت علي النقل الرائع

[محارب يام]

لاهنتوا على المروووووووووووووووووووووووووووووووور

دمتم بود............................