يالله عسى ايامكم افراح وسعاده .
صلو على النبي,,,,,,,,,,,,,,
الليل راح ولابقا كثر مافات=ولاني على بعضي ولا الشوع شوعي
اضحك واجامل واستر الحزن بسكات = لو ناظري مرات يفضح اطبوعي
يازحمة الاحزان وشهي النهايات =انا ادري انش طامعه في دموعي
وانش لعبتي بحسبة العقل والذات =وانش حرمتيني من اغلى اربوعي
من كثر مالش في خفوقي مسارات = الله يستر لا تكسّر ضلوعي
من ظلمش بقلبي عملتي دعايات = انش تسببتي بهمي وروعي
وان وقتي اصبح غير عن كل الاوقات=وان ساعتي صارت تساوي اسبوعي
وحطيتي اعلان الفرح داخلي مات= وأعلنتي لدنياي وشلون جوعي
لفرحه يتيمه تطرق ابواب الآهات=يمكن بها أقدر أجدد طلعوعي
تكفون من يفتح ملف الجنايات =ويعدم لي أحزاني ويعلن رجوعي
أما اني استسلم يالاحزان هيهات= الناس مختلفه وانا ابخص بنوعي
بقولها لش في صريح العبارات= في حاله وحده يمكن انثر ادموعي
ان كانها شدت جبال السراوات= مدري ..بفكـّر... يمكن أعلن خضوعي
26-11-2006, 10:29 PM
العرض الشجري