قصيدتي موجهه للشاعر محمـــد الذيب

[ابو حور العتيبي]

السلام عليكم ورحمة الله وبركاته
اسعد الله ايامكم بكل خير

اول موضوع لي واردت أن يكون قصيدة لي ..
وهي موجهـــه للشاعر الكبير محمد الذيـب

أنا اشهد انك ذيب يا محمد الذيب=اسمٍ على مسمى ما هوب الـخراطي
ذيـــبٍ ولد ذيب عطيـــب المضـاريب=عــــــزام بالوقفــات جـــزام ســاطـــي
من روس قومٍ يوم ضرب المشاعيب=وضرب السيوف المرهفـات السواطي
أفعالهم تشطب على الغير تشطيب=كم راس شيخ طـاح بين المــــواطي
عجمــان أهل صمـلات واهل مواجيب=وقول الحقيقه غــير قــول الهيــاطي
يشهد لهم راكــان في شمخ النيـــب=كم فـــارس عنـد الملاقـا يـطاطـــي
من دون قـــــاصر بالقبــايل ولا عـيب=عـلى الحــــروف نحـط كل النقاطــي
والبيــــت مايبنـــى بليـا منـاسيب=والســـفن مـا ترسى بليــا شواطي
وانته علم بالشعــــر ذوق واساليب=حكـمه وادب مـا تعتبطها اعتباطــــي
غديت للشعــار ذنـــب وعواقيـــب=تقــــول بالمــحشـــر ويــوم الصراطــي
متربع عرش الشعر مابها ريــــــب=طيــــر الهــدد ماهــو بطـير الشبــاطي
تكفى يامحــمد ياحصان الأطاليب=تستسلم الطلــيان وســط الرباطـــي
وانا عتيـــبي عـريب الأناســـــــيب= ناصـــل ورى الحــــروه بليـا تباطــــي
ولا عمرنـا نشــرب بقايـا المــغاريب=ودعـــواي والله ما عليـــها غطاطــي
شيبت من شهب الليــال المحاديب= ولا ينــفع الرجــال جبن وتواطـــي
وصلنّي لحمدان ســتر الرعـابيــب=واشــرح ظروفي والتقطني التقاطي
هداج ماهو بالعــدود المــجاديب=مروي النفــوس اللي يجيها انحباطـي
حمــدان ابو راشد خيـار المعازيب=مدات جــوده من جــزال المعاطــــي
وقتٍ عليـّه قــام يلــحق مشاهيب=وانته رصيــدي وانت كل احتياطـــي
وانا معنز لك ولا عنـــك تجنـــيب=وبــالله ثــــم بالذيــب صـــار ارتباطـــي
وان كان ماوردني لصاف المشاريب=لا خيـر في شعر بدعته على اطي
ودي بعــدِ فـــــــي علــو المراقيــــب=ماهـــوب عد ملحسين القواطــي
لو المراجــل تحضر احيــان وتغيـــــب=الحــر يبقــى حــر والبـــوم واطــي
والختـم ماذعذع نسيم الهبـاهيــــب=صلوا على اللي بالشفاعه مناطي

اخوكم :
الشاعر متعب محمد مصلح المغيري العتيبي

[ضابط جوي]

صح لساانك

[ناصر بوجما]

آلله آلله ...,

صح آلله إلــسآنـك يـ آلامــير ..,

ويــستآهـل بـن آلــذيب آلــمدح ..


إخــيك : نآصر بوجمـآ

[ابو حور العتيبي]

المشاركة الأصلية كتبت بواسطة ضابط جوي

صح لساانك

صح بدنك ويستاهلون المدح العجمان وهم هله

[ابو حور العتيبي]

المشاركة الأصلية كتبت بواسطة ناصر بوجما

آلله آلله ...,

صح آلله إلــسآنـك يـ آلامــير ..,

ويــستآهـل بـن آلــذيب آلــمدح ..


إخــيك : نآصر بوجمـآ

صح بدنك اخوي ناصر يالقرم ويستاهلون المدح ومحمد يستاهله
حياك الله

[(سعد بن محمد)]

صح السانك ولاهنت

ويستاهل ابن الذيب

[متذوق شعر]

عزالله انك شاعر وصح لسانك ولاهنت

قاف عسر وجزاله واحتراف

بس مدري ابن الذيب رد عليها والا لا

[ابو حور العتيبي]

المشاركة الأصلية كتبت بواسطة (سعد بن محمد)

صح السانك ولاهنت

ويستاهل ابن الذيب

صح بدنك ماقلنا الا الحقيقه فيه وفي قبيلته

[ابو حور العتيبي]

المشاركة الأصلية كتبت بواسطة كلا بعقله راضي

عزالله انك شاعر وصح لسانك ولاهنت

قاف عسر وجزاله واحتراف

بس مدري ابن الذيب رد عليها والا لا

يا اخوي الله يطول بعمرك اشكرك على الاطراء وشهادة اعتز بها
اما القصيده فهي جديده وستصل ان شاء الله للذيب وبيرد عليها

نورت متصفحي

[مـحـسـن]

صح لساانك