تواصيف المهاوي ..!

سعود الجوفان · #1 19-04-2008, 10:44 PM

مساء الخير للجميع

آخر ماكتبت من القصايد

أتمنى تعجبكم

؛’؛

حزين ولا على الدنيا رجاوي=من الفرقا تبلتني بلاوي

عليها كل يوم اجر ونّه=ولا ضنيت ترجعها المناوي

جمالٍ ياعرب ماشفت غيره=جمال الروح والشكل متساوي

أبوصفها ولا ادري كيف اوصِّف=عجزت القى تواصيف المهاوي

مِبيسِمْها مثل جمرٍ توقَّد=ليا مِنْه ابتسم ترف وحياوي

ولامنَّه نطق يازين نطقه=يزيِّن بالدلع طعم الحكاوي

وعينهٍ عين قِرناسٍ مصقّـر=سبر من ماكره للطلع ناوي

جبينه كل مالدِّيت صوبه=جهر عيني مثل شمس الضحاوي

وعنقٍ كَنْه عنق خشيف ريمٍ=جفل من صوت بارودٍ دماوي

جدايلها لك الله ليل دامس=ومنكوتٍ كما الشلال هاوي

وعودٍ ضامرٍ لمن قفيته=تِطنِّب بالصياح وبالعزاوي

عسى من حال دون الزين يلقى=صوابٍ ما يعيِّن له مداوي

وهذي حالتي في كل ليله=كما ذيبٍ على الضلعان عاوي

ولكن كل ما جرِّيت ونّه=دريت إن ماعلى الدنيا رجاوي

وسلامتكم

؛,؛

أخيكم / سعود الجوفان

فيـــصل الشمري · #2 19-04-2008, 10:53 PM

الله الله

لله درك يا سعود

صح لسانك ولاهنت على الجزاله

تقبل مروري المتواضع

سعود الجوفان · #3 20-04-2008, 08:54 PM

اقتباس:

المشاركة الأصلية كتبت بواسطة امير بكلمتي

جدايلها لك الله ليـل دامـس=ومنكوتٍ كما الشلال هـاوي
وعـودٍ ضامـرٍ لمـن قفيـتـه=تِطنِّب بالصيـاح وبالعـزاوي

الله الله

لله درك يا سعود

صح لسانك ولاهنت على الجزاله

تقبل مروري المتواضع