امي لها روحي بليا تصناع

[سالم الرتيبان]

حياه بلا رضاء الوالدين لاخير فيهاااا


ابيات اضعها بين ايدكم

صلووو على النبي

أواه من حزنن سكن بين الأضلاع = ضلوعي امن الحزن معاد تقوى
واواه من دمعن غدى له تسطاع = من شافني قال اشهدن انه فبلوى
اشوف حق الام عند الولد ضاع = وعند العرب مثل الحنش ويتلوى
من شان يرضي زوجته باع وش باع = المنهل الي ماحدن من يروى
ضايع يحسب العمر يرجع اذا ضاع = العمر دون الأم ماعاد يسوى
( دنياً تقلب كنها الموج لافاع ) = لاكبرو عياله عرف ويش سوى
يذكر زمانن فات فيه التمتاع = قلبه من الحسرات بالنار يكوى
وامي لها روحي بليا تصناع = ياسلوة الخفاق عن كل سلوى
يابلسم جروحي لمن جات الاوجاع = حضنش طبيبي لابغيت اتشكوى
أنتي وأبي لرضاكم اقبل القاع = إلي بها تمشون والراس علوى

وسلامتكم

[(سعد بن محمد)]

حجز ملكي

[(سعد بن محمد)]

آرررررحب يابو عيد ..

حياه بلا رضاء الوالدين لاخير فيها

اهنئك على مشاعرك تجاه امك

لا حرمت منك امك ولا حرمت منها

ولا حرمنا من ابداعك واحاسيسك الرائعة

صح الســـــــانك يالامير ولاهنت على الرائعه

ننتظر جديدك

[سلمان بن ضيدان]

أبو عيـــد دوّر لي حجز على الدرجه الأولى ولا تهون

[(جساس)]

اخوي سالم جزاك الله خير والله يطول عمرك
موضوع جميل وقيم الله يطول في عمر امك وامي وجميع امهات المسلمين امين
الف الف الف الف شكر
تقبل فايق احترامي وتقديري
اخوك ابو وليد

[كبير المقام]

صح ألسانك يا بو عيد
جزله ومن راس جززل
ولاهنت يا بن أرتيبان
تقبل مروري

[محمد بن عرار]

قصيده جيّده يا سالم فوالله لو كانت خاليه من الوزن والحبك والسبك وهذا موضوعها ستكون على الاقل في ناظري من أجزل القصائد .


الله لا يحرمكم من بعض.


تقبل مروري المتواضع.

[سلطان عبدالله]

صح لسانك

[سلمان بن محمد]

صح السانك ياسالم ولاهنت جعل اعوالك يوصلون فيك مثل وصلك في والديك قصيده فوق الجزله

تقبل مروري وتقديري

[محمد المحلكم]

صح لسانك وافيه يالوافي