(( الـدمـ ع ــه )) ,, ألآحـي الـورق .. مدري .. هي تـلاحـيـنـي .!! + ( شيلــه )

احمد بن جوفآن · #1 30-04-2009, 12:46 PM

السلام عليكم ورحمة الله وبركاته

.
.

مسا الخيـر ,,

(( عسى ان تحوز على إعجابكم ))

.

الدمعه الي تكابر .. في طرف عيني .!=يردها ( الموق ) بس ( الجفن ) ,, حدرها .!!
سمعت صوتك مع العالم .. يناديني .!=وازريت لا ردها .. بالعين واسترها .!!
وصديت ماودي ان الناس .. توحيني .!=مثلي يموت ودموعه .. صعب ينثرها .!!
ويخنقني البوح .. بس القلب يعصيني .!=ويبقا بوسط الصدور .. وفي خواطرها .!!
والحزن لوني خفيته .. واضح ٍ فيني .!=ورد على القلب .. والفرحات صدرها .!!
والبسمه الي تبيني .. بس تخطيني .!=متى على الله .. يجيها يوم واظهرها .!!
ألآحي الورق .. مدري هي تلاحيني .!=اوَن وتسجع .. و وناتي تكررها .!!
لبيه يا ذكرياتي .. واجمل سنيني .!=ويا قصة ٍ عايشه لو مات .. آخرها .!!
وين انت يـ / اول غرامي .. يا معنيني.!=وين انت يـ / اغلا ذنوب القلب .. واطهرها .!!
اصحا وطيفك .. معا زولي يباريني .!=وارقد واشوفك .. مع احلامي تباشرها .!!
مدري تناسا غصَب او انت .. ناسيني .!=ومدري عهودك وش الي صدق .. غيرها .!!
واليوم .. وينك بـ / هالدنيا .. وانا ويني .!=طالت ليال الفراق .. بـ / عين ساهرها .!!
كم قلت ( توبه ) .. ترا ما عاد تعنيني .!=ان جات لـ / النفس .. نفسي يمكن اقدرها .!!
واليا اظلم الوقت .. هوجاسي يسريني=ويضيق صدري .. و كل ايامك اذكرها .!!
وتبيني .. انسا .. وانا ما عاد يمديني .!=لو شفت حالي .. قسم بالله تعذرها .!!
اصبَر الحال .. في قولة بـ / ياتيني=وانا ادري اني .. اببطي .. لو اصبرها .!!
وقصايدي في غيابك .. ما تسليني .!=لو تطرب الناس .. تشكي جرح شاعرها .!!
والنفس تشكي زمان ٍ .. صدق مشقيني .!=حتى انت يـ / اغلا البشر .. تبعد وتحقرها .!!
والدمعه الي من الوحده .. تواسيني .!=إلي من آخر لقـا .. بالله خابرها .!!
شفها تكابر وترجف .. في طرف عيني .!=ولاني عقب شوفتك يالزين .. ذاخرها .!!

.

(( شيلة القصيده ))

.

.

أحمد بن جوفان

__________________

.

{ عسى الله يفك عوق أبو حمدان }

لولا الأمل .. مات الفقير .!

.

خالد بن رمثان · #2 30-04-2009, 12:51 PM

الله و أكبر يا بو خالد

عذب و جزل في كل قصايدك

صح لسااانك يا مبدع , كنت أنتظر تكملة ذالقصيده و الحمد لله كملت

ولي رجعه ثانيه وثالثه إسمحلي

و لااهنت ..

هادي الشامري · #3 30-04-2009, 01:08 PM

الله الله صح اللسانك وماشالله على صوتك عزالله انه عذب

بيض الله وجهك على الجزاله

شوقـ الصحاريـ · #4 30-04-2009, 01:46 PM

مدري تناسا غصَـب او انـت .. ناسينـي .!
ومدري عهودك وش الي صدق .. غيرها .!!
واليوم .. وينك بـ/ هالدنيا .. وانا وينـي .!
طالت ليال الفراق .. بـ/ عين ساهرهـا .!!

. . .

يــآ ســـلآآآآم . . ,

قصيــدهـ جـزلـة ورائع ـــه . . كما عودتنــا

صـح لســـآنك مــدد بـــلآ عــدد اخوي أحمد

.
.

شــوقـ