البطاقه الشخصيه لــ " احمد عجب " :
الاسم : احمد سعد عجب العازمي
المواليد : 13\5\1984
فديته مثل يوم ميلادي
المهنه : طالب في كلية التربيه الاساسيه
الطول : 181
الوزن : 74
الحاله الاجتماعيه : اعزب
بدايتك الكرويه كيف كانت ... ومن الذي يعود اليه الفضل في اظهار احمد عجب لــ الملاعب ..!!؟
بديت الكره سنة 1994 ... وبدايتي نفس كل لاعب بالشارع لكن اخواني كانوا بالنادي وانصحوني اني اكون بالنادي
كيف تفرق بين وظيفتك او دراستك و واجباتك تجاه النادي ..!!؟
تبي الصراحه ..!؟ والله ظايع وماني عارف افرق
هل تؤيد الاحتراف ..!؟ واكيد بتقول نعم لكن شنو فوائد الاحتراف بالنسبه لــ الاعب الكويتي ..!؟
شوف الاحتراف مفيد لــ الاعب يعني على اقل شى في احد يحاسبه واحد يتابعه ويعتبر جنه شغل لـ الاعب
بصراحه ... شرايك بالكره الكويتيه وهل تعتقد انها تطورت بالفتره الاخيره عن قبل فتره ..!!؟
الكره الكويتيه بنزول مستمر لكن عقب جلسة المجلس انشالله بتطور
شرايك بــ اندية التكتل ومساندتها الدائمه لــ شخصيات معينه ..!!؟
كل نادي مفروض يكون له راْيي شخصي ... يعني لى متى واحنا جذي
شفت جلسة الرياضه ..!؟ شرايك فيها ..!؟
تبي الصج ؟ انا حيل متفائل وانشالله خير
شرايك بــ مستوى المحترفين في الكويت كــ كل ..!؟
مايساعدون الانديه ويبيلهم احد يشيلهم
هل تتوقع (( الكويت والعربي )) يقدرون يحققون شى في بطولة دوري ابطال اسيا ..!!؟
شوف العربي الله يعينه على وضعه الحالي ... لكن الكويت يملك احسن الاعبين ويقدر يحقق شى
احمد ترا مجموعة الكويت حيل صعبه فيها الاستقلال والهلال ..!!
اي وفيها الكويت بعد ... انشالله يحققون شى
شرايك في تعدد المناصب ..!؟
مضر اكيد وخلاص انتهت هذي المشكله
عطني تشكلية احمد عجب لــ المنتخب والي تقدر تعطي سنوات ونحافظ عليها ..!!؟
الحارس : نواف الخالدي
الدفاع : الطاهر ... نهير ... العيدان ... مساعد ندى
الوسط : الشمالي ... جراغ ... الطيار ... وليد علي
الهجوم : الفهد ... المطوع
مشاكل الرياضه منو تتوقع السبب فيها ..!!؟
شوف الكل يتحمل ... الاعبين والاداره والحكومه بعد
منو بوجهة نظرك يستحق قيادة الاتحاد الكويتي حاليا ..!!؟
انا ماعندي اى احد معين ... لكن يكون كفو ولا يكون ينظر لــ مصالح شخصيه ولــ الكرسي
لو احمد عجب رئيس الاتحاد ... شنو راح يسوي ..!؟
اقل شى افعل القوانين وانفذها
شرايك بــ معاملة الاعب الخليجي ... وهل فادتنا ..!!؟
في انديه مستفيده من هذا الاعب لكن انديه ماستفادت اى شى منه
شسالفة مقابلة احد المنتديات معاك ... وقالوا انك تتمنى تكون قدساوي وانك قدساوي وان اهل الكويت كلهم قدساوين ومن هذا الكلام ..!!؟
الكلام مو صحيح وهذي اكثر من واحد كلمني عنها بس مادري من وين جايبين هالكلام .!!!
في عروض تقدمتلك ... محليه او خارجيه ..!!؟
في من الكويت والقادسيه والسالميه ... لكن مافي شى جاد جاد
(( يـــتـــبـــع ))
آخر تحرير بواسطة كويتاوي : 25/02/07 الساعة 02 :53 02:53:36 pm.
شرايك في نادي الكويت بصراااحه ..!!؟
نادي طور نفسه واعاد امجاده .. والاداره تبي تشتغل وعندهم احسن الاعبين
جم بطوله كويتاويه تتوقع هذا الموسم ..!؟
ماتقل عن بطولتين
رئيك في مجلس ادارة نادي الكويت ..!؟
ناس تبي تشتغل ... ومهتمه بالاعبين وتلبي طلباتهم
شرايك بــ :
خالد الفضلي ..!؟
خالد الفضلي قيادي الى ابعد الحدود وحارس كبير مع انه كبير في السن لكنه حارس محافظ على نفسه ودائما مبدع واحب اذكر موقف صارلي مع الفضلي
في احد المعسكرات ... في البدايه كنا 30 لاعب وقالنا ميهاي كلكم سواسيه وماكو فرق بينكم ومن هذا الكلام ... وقال حق جمال يعقوب
ابي 11 لاعب بــ 11 لاعب وراح يبقى 8 لاعبين خارج الملعب طبعا ... وطلعت انا من ظمن الــ 8 لاعبين الي برا ... وجاني الفضلي بعد التشكيله
قالي ليش ماتدرج نفسك ..!؟ من لاعب مدرج الى احتياط والى بديل دائم وهكذا ...!! وفجاْه تعور احد المهاجمين من الاساسين
وبعدها اخذني ميهاي وصرت بديل اول لــ المباريات ... وجاني فهد عوض قالي لو تستمر جذي بتكون لاعب اساسي مو احتياط
رايك في حسين بابا ...!!؟
مدافع مزعج واذا كان عندك اكثر من حل يخليك ماتفكر الا بحل واحد بصراحه مدافع ممتاز
رايك في طلال يوسف ..!؟
افضل المحترفين في الكويت
رايك في ماكينغا ..!!؟
هذا لعب كاس العالم شقول بعد
رايك في محمد ارمومن ...!!؟
اذا لعب في جسمه بس يقدر يحقق اشياء كثير فما بالك في مهاراته
رايك في وليد علي ...!؟
افضل باك في الكويت
رايك في المدرب وليام ..!!؟
ماعرفته بصراحه لكن ذبحني في مباراة وفاق سطيف الاخيره كانت تشكيلته غلط
بنظرك شنو سبب خسارة الكويت المباريات النهائيه مع ان يكون الافضل فيها ويوصل لــ الخصم ويهدد ويعمل كل شى لكن يخسر ...!!؟
شوف الكويت مو ناقصه شى بصراحه ... لكن ممكن تمي هذا سوء حظ يعني نحس
افضل محترف في الكويت كــ كل ..!!؟
طلال يوسف او فراس الخطيب لاعب خطير جدا
خلنا نبتعد عن نادي الكويت شوي .... شنو ينقص الساحل حايا ...!!؟
الساحل شنو عنده عشان ينقصه ..!؟ ينقصنا كل شى
شنو المشاكل الي تواجهكم في النادي ..!!؟
نعاني من الاداره بعيده عنا ولا في اهتمام ابدا
اسئله عالطاير :
افضل نادي (( عربي \ اوربي )) ..!؟
عربي اكيد الاهلي المصري ... اوربي ليفربول اكيد
افضل مباراة لعبتها واسوء ..!!؟
افضل مباراة كانت مع العربي وفزنا 2\1 ... والاسوء كانت ضد فحيحيل وخسرنا 2\0
افضل هدف سجلته ..!؟
ضد النصر الموسم الي فات
لاعب تحب تلعب معاه ..!؟ ولاعب تتمنى تكون وياه ..!!؟
الاعب الي ارتاحله بالملعب صقر نهار ... والي اتمنى العب وياه محمد جراغ
افضل رئيس نادي في الكويت ..!!؟
مرزوق الغانم
امنيه تحققت ..!؟ وامنيه لم تتحقق ..!!؟
الامنيه الي تحققت ان نكون في الدوري الممتاز ... والي ماتحققت اني ماطلعت من الساحل
اقرب الاعبين لــ احمد عجب ..!؟
صقر نهار والفيلكاوي وعبيد منور
الاكله المفضله ...!؟
كل الاكل ... ترا انا واحد اموت بالاكل
المكان المفضل ..!؟
المخيمات وجذي هذي احسن الاماكان
15-10-2010, 02:44 PM
العرض العادي
