الله يعين الدار واهل المكاني

[محمد ضرمان الشولاني]

صباحكم فل ومساكم ياسمين

يا قلب مما جاك بيحت الاسرار=ببيات شعرٍ نبِّشَت للدفاني
ناتج تفاعل بين صلفات الافكار=في فلسفة شعري وضوح وبياني
راحت تتابع تبغي البوح مسيار=ضافت ركايبها منازل لساني
للصاحب اللي يطلب العذر تكرار=طعنات غدرك ضربها بالمحاني
خليتني جاني وظالم وجبار=في محكمة ظلمك تضيع الاماني
ما هي من اطباعي جحودٍ وغدار=ولا اكسب الصيده على ناب ثاني
نفسي مضرّيها على طيب الاوكار=حرٍ على حزم المراجل مكاني
طوفت لك مره ومرات وامرار=والقلب خليته لسفنك مواني
ابدعت لك من خافقي عذب الاشعار=كتبتها لك في جميل المعاني
اخلصت لك حبي بحلك والاسفار=اخلاص عنتر فالوفا والتفاني
الفكر قيدته بقيدين واهجار=آمال واحلامٍ وتخليد فاني
لا تامن الدنيا ترا الوقت دوار=تلعب عواصيف الدهر باللياني
مالك سوى خلك اذا صار ما صار=وشربت من ظيم العنى والزماني
كلن له اعيوبٍ صغيرات واكبار=وانا عيوبي عند غيري تهاني
كانك تبي تمشي وتترك لي الدار=الله يعين الدار وأهل المكاني
صحيح من طبع الجمل دوم صبار=حتى الجمل لا زاد حمله يعاني
لكن قبل ترحل وتعْزم بالابحار =في مركب اوهامك وقلبٍ أناني
وتطفي شموع الوصل وتضيع الانوار=خذ أصدق اشواقٍ عليك اتحداني
طويت صفحات الامل منك بانكار=وانهارت قصور الغلا والمباني
ببني بقايا عشقنا نصب تذكار=في مقبرة هجر المحبين باني
واذا طرا لك يوم ترجع بالاعذار=سيف الغدر زلَّه ودرعي أماني

وسلامتكم،،،

[عارف دربه]

صح لسانك
وعزالله ابدعت كالعاده
تقبل مروري

[محمد العزام]

و مساك طيب و ودٌ و رضا يآ محمد ..


الله الله الله

صح الله لسانك

على ذا الدرر ..


اقل ما يقال عنها

رآئعه

دمت هكذا ..

[سالم الرتيبان]

اررررحب يابو ضرمان

جزله من جزل وصح الله لسانك

لاتحرمنا جديدك

[محمد ضرمان الشولاني]

اخي الغالي عارف دربه

ارحب يالذيب ارحب

صح بدنك

واسعدني مرورك جدا يالسنافي

تقديري،،،

[محمد ضرمان الشولاني]

اخي العزيز محمد العزام

ارحب تراحيب المطر ودان

وصح وبدنك ولا هنت على الاشادة يالذيب

مرورك شرف متصفحي يالسنافي

تقديري،،،

[محمد ضرمان الشولاني]

ارحب يالشاعر المميز سالم الرتيبان

وصح بدنك يالجزل

مرورك شرف واشادتك وسام فخر يالسنافي

تقديري لشخصكم الكريم وسمو اخلاقك،،،

[احمد بن جوفآن]

يا سلام يا سلاام

.

صح لسانك يا محمد ,

وأبدعت يالشاعر

لاتحرمنا من قصايدك

ومثلك يستحق المتابعه وانتشرف بها

.

موفق ان شاء الله

إخيك

[مشـخــــــــاوي]

صح لسانك
وعزالله ابدعت كالعاده

[خالد بن رمثان]

نفسي مضرّيها على طيـب الاوكـار
حرٍ علـى حـزم المراجـل مكانـي


كفو يا محمد


قصيدة جزله أعجبتني الأفكار و التصاوير فيها


صح لسانك و فإنتظار جديدك هنا ..