ريح الفتيله عندنا كنه الطيب

[ابن شطفان]

هذي قصيدة وجهتها الى زميلي في العمل خالد السبيعي عندما سمعت بعض الشباب يعيب عمل الشيبان امل ان تحوز على اعجابكم وترقي الى مذاقكم .

حـنا ترانا لبـداء الشــــــان بنا
فرقة طـواري قسمنا مابها عيب

ولا زهمنا ريس القســم جبـنا
أبو حمــد في فزعته كنه الذيب

ولشب سعمورالـوقيدة قــربنا
ما ننتظر لخمادها مــن لجانيب

ولو كان فيها حتفنا مــا هربنا
وريح الفتيلة عنـدنا كـنه الطيب

هذي عوايـدنا وهـذا طلـبنا
ولاخير في اللي ما يعرف المواجيب

ويا أبو بدر في الجو غامـة سحبنا
ثم سيلـت ودياناوالمحـــانيـب

وعلى دروب الـعز والمجد شبنا
وبانت لنا قوم بـكثر التجـاريب

ناس لهـم رايات والبـيض تبنا
وناس على ماقيـل مـثل الهباهيب

ومن مر بقعا وحـلوها قد شربنا
وطفنا عليها فوق حـرش العراقيب

وما همنا من الناس من هو حربنا
وحنا صمـادة بالقناء المشــاهيب

ومن خالنا بالطيب زدنا وطـبنا
ومن خالنا بالشر فروس والمشاعيب



وهذا الرد من ابو بدر خالد السبيعي وفيه تقوية لموقفي
جانا كتـاباً يابو حسن شعبـنا
لاهنت يا مـرسل لنا بالمكاتيـب

كتبت ونا يا أبو حـسن كتبنا
لخطيت في معناي كودانك تصيب

ياللي بزينات المعـاني جذبـنا
ارسل لي بيوتٍ كتبـها بترتيـب

الشيب غــازينا واظنه غلبنا
أنته ونا وكم واحدٍ من الأصاحيب

وحنا على بعض أخـويانا عتبنا
ولا بعظهم نايفٍ بالمــراقيـب

أثرك من اللي شجعوا منتخـبنا
وانا احسب انك ضدنا يالواعيب

ونتم تراكم من طوارف عربنا
ما مــرنا يمركـم يالمعــازيب

لا صاح ونان المطـافي ركبـنا
لا خير بللي ما يسد ألمـوا جيـب

يفرح بنا المحتــاج لمن ندبنـا
خدمة وطن مافية شـك ولا ريب

حنا عيال العود شيبان وأبـنا
لاجا نهار الجد ما يفرق الشـيب

يا للي علشانك شباب تهزبنا
حنا قبل تخلق حميـنا المراكيـب

نعـتز في ناس نسـبهم نسبنا
ناس عوايدهم من الطيـب للطيب

[فيصل بن معضد العجمي]

ياسلاااااااااااام

صوت وصدى ولا اروع


بيض الله وجهك ووجهه


لاهنتو

[محمد المحلكم]

صح لسانك ولا لسان وبيض الله وجيهكم على الاعمال الانسانيه

[بنت الـــوادي]

صح لسانكم
وجزاكم الله خير ع اعمالكم والله يعينكم
سلامي

[سالم الرتيبان]

صح لسانكم

ولاهنتو

[مالكـ حل]

صح السانك

[مـح,مـد بـن راشـد]

صح لسانك ولسان شاعرها


ولاهنت ع النقل الرائع


تحياتي،،،